מפי עוללים

הַשְׁגָּחָה פְּרָטִית מַעֲשִׂיּוֹת, דֶערְצֵיילְט אוֹיפְן הַאטְלֵיין דּוּרְך דִֿי קִינְדֶער

נִֿישְׁטָא אוּמְזִיסְט

דָּוִד פֿוּן בֵּית שֶׁמֶשׁ דֶערְצֵיילְט:

דִֿי אִיבֶּערַאשׁוּנְג אִין שְׁטוּב אִין גֶעוֶוען גְרוֹיס! אוֹיף שַׁבָּת גְרֵייטְן מִיר זִיךְ אַלֶע צוּ פָארְן קֵיין קוֹמְמִיוּת! דָאס דֶערְפְּל וָואס יֶעדֶער גְלַייכְט אוּן וווּ מִיר גֵייעֶן הֲנָאָה הָאבְּן פֿוּן דִי רֵיינֶע לוּפְט אוּן פַּאסְטָארַאלִישֶׁע פַּאנָארַאמֶע. אוּן אַזוֹי גְרוֹיס וִוי דִי פְרֵייד אַזוֹי גְרוֹיס זֶענֶען דִי צוּגְרֵייטּוּנְגֶען.

וֶוען דֶער וֶוען אִין שׁוֹין גֶעשְׁטַאנֶען אוּנְטְן פֿוּן בִּנְיָן גְרֵייט צוּ פָארְן, הָאב אִיךְ מִיךְ דֶערְמַאנְט אַז מַיין מַאמֶע הָאט מִיר גֶעבֶּעטְן אַרָאפְּצוּנֶעמֶען דִֿי מִיסְט, כְּדֵי עֶס זָאל נִישְׁט פַארְבְּלַייבְּן אִין הוֹיז אִיבֶּער שַׁבָּת, אוּן אִיךְ הָאב פַארְגֶעסְן... אִיךְ הָאב בַּאשְׁטִימְט אַרוֹיפְצוּלוֹיפְן אִין דִֿי מִינוּט, דִֿי לֶעצְטֶע אוּן עֶס נֶעמֶען. פְּלִינְק בִּין אִיךְ אַרוֹיפְגֶעלָאפְן דִֿי שְׁטִיגְן אוּן זִיךְ גֶעטְרָאפְן אִיבֶּער אַ לֵיידִיגֶע מִיסְט קַאסְטְן. דִֿי מִיסְט הָאט שׁוֹין מַיין שְׁוֶועסְטֶער גֶענוּמֶען! "אוֹיב אַזוֹי," הָאב אִיךְ גֶעטְרַאכְט צוּ מִיר. "פַארְוָואס הָאט מִיר דֶער בַּאשֶׁעפֶער אַרוֹיפְגֶעשִׁיקְט אִין שְׁטוּב? דָאךְ סְ'נִישְׁטָא אוּמְזִיסְט..." אִיךְ הָאב זִיךְ אַרוּמְגֶעקוּקְט אוּן גֶעזֶען אַז עֶס אִין פַארְבְּלִיבְּן אוֹיף דִֿי גֶעז אַ טָאפּ זוּפּ אוּן נָאךְ אַ טָאפּ מִיט שַׁבָּת'דִיגֶע עֶסְנְוַוארג!

אִיךְ הָאב דֶעמָאלְס גֶעזֶען וִוי גָארְנִישְׁט פַּאסִירְט נִישְׁט אוּמְזִיסְט.

אַ קַארְטְל אָפּצוּלֶערְנֶען

אֶלְעָזָר, אַ יוּנְג בָּחוּרְ'ל פֿוּן בְּנֵי בְּרַק דֶערְצֵיילְט:

עֶרֶב סוּכּוֹת, וֶוען אִין דִֿי גֶעשֶׁעפְטְן שְׁטֵייעֶן עֶנְדְלָאזֶע רַייעֶס פֿוּן מֶענְטְשְׁן בִּין אִיךְ גֶעגַאנְגֶען קוֹיפְן אַ רֶעקְל אוּן עֶס הָאט גֶעפֶעלְט דִֿי הוֹיזְן אִין מַיין מָאס...

"קוּם מָארְגְן," הָאט דֶער פַארְקוֹיפֶער גֶעזָאגְט. גֶענוּמֶען מַיינֶע דֶעטַאלְן אוּן צוּגֶעזָאגְט עֶס צוּ צוּשְׁטֶעלְן.

אוֹיף מָארְגְן בִּין אִיךְ גֶעקוּמֶען אָבֶּער... דִֿי הוֹיזְן אִין נִישְׁט גֶעוֶוען דִֿי רִיכְטִיגֶע מוּסְטֶער. "שְׁטֵיי אִין רַייעֶ אוּן וַוארט. שׁוֹין וֶועט מֶען בַּאשְׁטֶעלְן דִֿי רִיכְטִיגֶע מוּסְטֶער," הָאט דֶער פַארְקוֹיפֶער מִיר גֶעשִׁיקְט שְׁטֵיין אִין דִֿי לַאנְגֶע לַאנְגֶע רַייעֶ.

אִיךְ וַוארט אוּן וַוארט. נֶעבְּן מִיר שְׁטֵייט מַיין טַאטְנ'ס פְרַיינְד פֿוּן דִֿי קְהִילָה אוּן שְׁמוּעֶסְט מִיט מִיר, אַזוֹי לַאנְגְוַויילִיג שְׁפִּיל אִיךְ אוּמְוִוילְנְדִיג אַרוּם מִיט דִֿי קַארְטְלֶעךְ פֿוּן מַיין טַאש. דִֿי קְרֶעדִיט קַארְטְל אוּן אוֹיךְ... דִֿי קַארְטְל וָואס דִֿי קְהִילָה הָאט גֶעגֶעבְּן. עֶס אִין אַ קַארְטְל וָואס גֶעבְּט אַ גֶעוִויסֶע הַנָּחָה בַּיי גֶעוִויסֶע גֶעשֶׁעפְטְן, אוּן יֶעצְט הָאט מַיין טַאטֶע מִיר גֶעבֶּעטְן אִיךְ זָאל פַאר'ן בַּאצָאלְן אַרִיבֶּערְפִֿירְן אוֹיךְ דִֿי קַארְטְל פֿוּן קְהִילָה.

"דָאס גֵייט דָא אַרִיבֶּער?" דֶער יוּנְגֶערְמַאן הָאט בַּאמֶערְקְט וָואס אִיךְ הַאלְט אִין הַאנְד, אוּן זִיךְ אִיבֶּערַאשְׁט. "אִיךְ הָאב נִישְׁט גֶעוואוּסְט!"

דֶער יוּנְגֶערְמַאן אִין גֶעוֶוען פַאר מִיר אִין דִֿי רַייעֶ, אוּן אִיךְ הָאב גֶעזֶען וִוי עֶר וַוייזְט דִֿי קַארְטְל פֿוּן דִֿי קְהִילָה פַאר'ן פַארְקוֹיפֶער אוּן מִיט אֵיין מָאל וֶוערְט זַיין אַיינְקוֹיף הִיפְּשׁ בִּילִיגֶער.

יֶעצְט בִּין אִיךְ שׁוֹין גֶעשְׁטַאנֶען רוּאִיג אוּן גֶעוַוארט אוֹיף מַיין רַייעֶ. אִיךְ הָאב גֶעזֶען אַז עֶס אִין גָארְנִישְׁט אַזוֹי אוּמְזִיסְט דִֿי גְרַייז פֿוּן מַיין הוֹיזְן.

אִין דִֿי פַּאסִיגֶע מִינוּט

שִׁמְעוֹן קְרִישֶׁעווסְקִי פֿוּן בֵּית שֶׁמֶשׁ דֶערְצֵיילְט:

אִיךְ הָאב זֵייעֶר גֶעוָואלְט מֶען זָאל מִיר קוֹיפְן אַ גֶעוִויסֶע שְׁפִּיל.

דִֿי שְׁפִּיל, אוֹיסֶער וָואס עֶס נִישְׁטָא צוּ קוֹיפְן אִין אוּנְזֶער גֶעגְנְט, אִין עֶס אוֹיךְ טַייעֶר אִין פְּרַייז, אוּן מִיר הָאבְּן גֶעוַוארט אוֹיף אַ גֶעלֶעגְנְהֵייט עֶס צוּ קוֹיפְן.

אִין אַ זוּמֶער טָאג הָאט אוּנְזֶער רֶבִּי גֶעמָאלְדְן אַז מִיר גֵייעֶן מָארְגְן אַרוֹיס אוֹיף אַ קְלֵיינֶע שְׁפַּאצִיר. גְלַייךְ הָאבְּן אִינְגֶעלֶעךְ אָנְגֶעפְרֶעגְט עֶרְלוֹיבֶענִישׁ צִי זֵיי קֶענֶען מִיטְבְּרֶענְגֶען יֶענֶע שְׁפִּיל וָואס פַּאסְט זֵייעֶר צוּ שְׁפִּילְן אִין אַ פַּארְק. אוּן דֶער רֶבִּי הָאט גֶעגֶעבְּן זַיין עֶרְלוֹיבֶענִישׁ.

אִיךְ הָאב אוֹיךְ גֶעוָואלְט מִיטְבְּרֶענְגֶען דֶער שְׁפִּיל... אָבֶּער אִיךְ הָאב עֶס נִישְׁט.

וֶוען אִיךְ בִּין אַהֵיימְגֶעקוּמֶען הָאט אִיךְ דֶערְצֵיילְט מַיין מַאמֶע'ן אִיבֶּער דֶער שְׁפַּאצִיר מָארְגְן אוּן אוֹיךְ אַז אַ סַאךְ אִינְגֶעלֶעךְ בְּרֶענְגֶען דִֿי שְׁפִּיל.

"דַאכְט זִיךְ מִיר אַז אִיךְ הָאב גֶעזֶען אַ רֶעקְלַאמֶע אִין דִֿי צַייטּוּנְג אִיבֶּער אַן אוֹיסְפַארְקוֹיף פַאר בִּילִיג דָא אִין גֶעגְנְט," הָאט זִי מִיר אִיבֶּערַאשְׁט.

אִיךְ הָאב אוֹיפְגֶעזוּכְט דִֿי רֶעקְלַאמֶע אוּן...

פּוּנְקְט אִין דֶעם טָאג אִין פָארְגֶעקוּמֶען דִֿי אוֹיסְפַארְקוֹיף. מַיין מַאמֶע הָאט מִיר גֶעגֶעבְּן עֶרְלוֹיבֶענִישׁ פַאר דֶעם פְּרַייז צוּ גֵיין קוֹיפְן, עֶס אִין גֶעוֶוען אִין אַ זַאל נָאנְט צוּ אוּנְזֶער הוֹיז, אַזְשׁ אַ פָּאר מִינוּט דֶערְנָאךְ בִּין אִיךְ גֶעוֶוען מִית דִֿי שְׁפִּיל אִינְדֶערְהֵיים אוּן שְׁטַארְק הֲנָאָה גֶעהַאט.

אוּן עֶקְסְטֶער הָאב אִיךְ הֲנָאָה גֶעהַאט צוּ זֶען וִוי דֶער בַּאשֶׁעפֶער שִׁיקְט אוּנְז אַלְץ וָואס מִיר דַארְפְֿן. יָא. אוֹיךְ אַ שְׁפִּיל...