Skip to content
טערעפי

רעדן פון די צער?

  • Noach
  • 5787
  • Yiddish
View printout

לכבוד דער ראש ישיבה שליט"א,

איך האב געוואלט פרעגן וואס דער רבי מיינט אין ספר המדות (אות עצבות, סימן ג): "כשהאדם בצער תדבר מזה הצער"?

יישר כח

תשובה מאת הראש ישיבה שליט"א:
בעזרת ה' יתברך - יום א' פרשת דברים, ב' מנחם-אב, שנת תשפ"ה לפרט קטן

טייערער ... נרו יאיר.

דער הייליגער רבי זאגט (ספר המדות אות עצבות, סימן ג): "כשיש לך צער", ווען דו האסט ווייטאג, "תדבר מזה הצער", זאלסטו רעדן פון די ווייטאג; ווען א מענטש גייט אריבער ווייטאג געבט דער רבי אן עצה, אויב מען דערציילט דאס פאר א פריינד גייט ארויס די ווייטאג, אזוי ווי עס שטייט (משלי יב, כה): "דאגה בלב איש", א זארג אין הארץ פון א מענטש, "ישחנה", דרש'ענען די הייליגע חכמים (יומא עה.) דאס איז א לשון פון אויסשמועסן מיט אנדערע, אזוי גייט ארויס די ווייטאג.

אזוי וועט ארויסגיין די ווייטאג

מיט די הקדמות פון הייליגן רבי'ן קען זיין פשט, "ידבר מזה הצער", זאלסטו רעדן פון די ווייטאג; ווען א מענטש גייט אריבער ווייטאג געבט דער רבי אן עצה, מען זאל זיך אויסשמועסן מיטן אייבערשטן, דערציילן דעם אייבערשטן וואס מען גייט אריבער און אזוי וועט ארויסגיין די ווייטאג, דאס זאגט די פסוק (משלי יב, כה): "דאגה בלב איש", א זארג אין הארץ פון א מענטש, "ישחנה", מלשון (בראשית כד, סג): "ויצא יצחק לשוח בשדה", זיך אויסשמועסן מיטן אייבערשטן, דאס נעמט ארויס אלע ווייטאג.

דער אייבערשטער זאל העלפן זאלסט האבן הצלחה אין אלע ענינים.

More in this printout

View the whole printout