די פנימיות'דיגע עבודה פון שמיני עצרת: 'קבלת עול מלכות שמים'!
עס ווערט געברענגט אין די ספרים הקדושים, אז די הקפות וואס מיר מאכן סוכות און הושענא רבה מיט די ד' מינים, דאס איז אזויווי די הקפות וואס יהושע האט געמאכט צו איינווארפן די חומה פון יריחו.
דער הייליגער שם משמואל זי"ע איז מסביר די טיפקייט וואס ליגט אין דעם. ווייל די נאמען פונעם שטאט 'יריחו' איז מלשון 'ריח' (רש"י יחזקאל כז יז), און 'ריח' איז מרמז אויף די פנימיות פון א זאך, אזויווי מיר געפונען אין חז"ל (ברכות מג:) אז נאר די נשמה איז נהנה פון א ריח און נישט דער גוף, ווייל וויבאלד די נשמה איז א פנימיות'דיגע זאך, איז זי נאר נהנה פון א 'דבר פנימי'. און אזוי אויך די שטאט 'יריחו' האט געהאט אין זיך א פנימיות'דיג קדושה, ענליך צום בית המקדש.
און די 'חומה' פון יריחו, איז מרמז אויף די שטארקע קליפות וואס האבן נישט געלאזט צוקומען צום פנימיות, ווייל ווען עס קומט צו די פנימיות פון די קדושה, פארלייגן זיך אלע כוחות הטומאה גאר שטארק אז מען זאל נישט קענען צוקומען צו דעם, אזויווי די דערנער וואס נעמען ארום דעם רויז. און דעריבער האט יהושע דאס געדארפט ארום נעמען זיבן טעג, און אינעם זיבעטן טאג האט עס ארומגענומען זיבן מאל, ווייל ער האט געדארפט מכניע זיין די כוחות הטומאה פון אלע ז' אומות, וואס זיי האבן זיך דארט פארלייגט נישט צו צו לאזן די אידן צו די פנימיות הקדושה פון יריחו.
די זעלבע זאך איז די הייליגע טאג 'שמיני עצרת' וואס דאס איז די 'נקודה הפנימיות' פון די אלע הייליגע טעג וואס זענען אריבער, ראש השנה, יום כיפור און סוכות. וואס די עבודה פון שמיני עצרת איז מקבל צו זיין עול מלכות שמים בפנימיות הלב, צו דינען השי"ת מיטן גאנצן הארץ לשם שמים אן קיין שום זייטיגע פניות, וואס דאס איז באמת די תכלית און ציהל פון אונזער גאנצע עבודה אין די הייליגע טעג. און הרה"ק מקאצק זי"ע האט געזאגט, אז עס איז לייכטער פאר א מענטש צו טון אלע סארטן סיגופים אין די וועלט, ווי צו מקבל זיין אויף זיך עול מלכות שמים, און זיך פירן אייביג נאר על פי התורה. וויבאלד די קבלת עול מלכות שמים איז א פנימיות'דיגע עבודה און דאס איז די אמת'ע תכלית, דעריבער ווענדן די כוחות הטומאה אן אלע סארטן תחבולות צו שטערן א מענטש אנצוקומען צו דעם, זיי דערשרעקן דעם מענטש און פארמישן אים אויף פארשידענע אופנים, און זיי נעמען ארום די 'נקודה הפנימיות' פון אלע זייטן אז מען זאל נישט קענען צוקומען דערצו, ממש אזויווי די 'חומת יריחו' וואס האט נישט געלאזט צוקומען צום פנימיות.
דעריבער מאכן מיר די 'הקפות' במשך די זיבן טעג פון סוכות, און אום 'הושענא רבה' וואס דאס איז די זיבעטע טאג מאכן מען זיבן מאל 'הקפות', אזויווי יהושע האט געטון ביי די חומת יריחו, ווייל אום הושענא רבה זענען מיר זוכה איינצואווארפן די חומה פון די כוחות הטומאה וואס ווילן אונז נישט לאזן צוקומען צום פנימיות פון קבלת עול מלכות שמים. און דורכדעם קענען מיר טאקע זוכה זיין אינעם טאג פון שמיני עצרת צו מקבל זיין אויף זיך ריכטיג דעם עול מלכות שמים בפנימיות הלב.
דאס איז אויך די סיבה פארוואס מיר מאכן שמיני עצרת די 'הקפות' מיטן ספר תורה, ווייל מיט דעם בויען מיר אויף א נייע 'חומה דקדושה', וואס דאס וועט אפהאלטן די כוחות הטומאה אז זיי זאל מער נישט קענען זיך דערנענטערן צו די קדושה. און די חומה ווערט געבויעט דוקא מיט די תורה, ווייל די תורה איז מגינא ומצלי מן החטא, און איז ווי א חומה בצורה קעגן אלע כוחות הרע וכוחות הטומאהלי.
לג שם משמואל להושענא רבה (שנת תרע"ד): איתא בספרים שההקפות שבסוכות והו"ר הן דוגמת הקפת חומת יריחו. ונראה לפרש דהנה יריחו נקראת ע"ש הריח כדאיתא ברש"י, וריח הוא פנימיות הדבר, וע"כ הוא דבר שהנשמה נהנית ממנו כבש"ס ברכות (מ"ג ע"ב), כי הנשמה באשר היא פנימיות אינה נהנית אלא מדבר פנימי. וע"כ הניחו דשנה של יריחו למי שיבנה בהמ"ק בחלקו (ספרי פ' בהעלותך י' ל"ב), כי היא דוגמת מקום בהמ"ק הנקודה הפנימית. וחומת יריחו היא קליפה קשה שאינה מנחת לבוא אל הפנימיות. וע"כ נתקבצו באו ביריחו להלחם נגד ישראל כל שבע האומות כמבואר ביהושע (כ"ד י"א), כי לפנימיות סובבים מכל צד, והקוצים הם סביב סביב לשושנה. וע"כ כדי להפיל חומת יריחו הקיפוה שבעה ימים, ובשביעי שבע פעמים לעומת הקליפה הקשה שבחומה כפול שבעה מכל שבע האומות. ודוגמא לזה הוא שמ"ע שהוא הנקודה הפנימית מכל הימים שעברו ר"ה יוה"כ וסוכות, והוא קבלת עול מלכות שמים באמת ובלב תמים, וביחוד הכוונה להש"י בלי שום עירוב כוונה וזהו תכלית הכל. וכ"ק זקיני זצללה"ה מקאצק הגיד כי יותר נוח לגוף לקבל על עצמו כל מיני סיגופים שבעולם מלקבל על עצמו עול מלכות שמים, ואין סיגוף גדול לגוף יותר מלהיות תחת עול מלכות שמים להתנהג בכל עניניו רק עפ"י התורה, עכת"ד. ובאשר שזה תכלית הכל עומדים כנגד זה כל כחות החיצונים לבלבלו לערבו להממו ולהבהילו, והם סובבים את זו הנקודה מכל צד בכל טצדקי למנוע את האדם מלזכות לנקודה זו, וזוהי דוגמת חומת יריחו. ובהקפות של סוכות והו"ר שבע פעמים מפילין את החומה, ובא הזמן היותר נכון לקבל עליו עול מלכות שמים שלימה כנ"ל. ובשמ"ע עושין הקפות עם ס"ת, היינו בזה עושין חומה קדושה לבל יתקרבו עוד כחות החיצונים, והיא התורה, כי התורה היא חומה בצורה בפני החיצונית מגינה ומצלא, וזהו הענין שבשמ"ע מקיפין בס"ת.
