די סוכה פארמאגט טיילווייז די קדושה פונעם בית המקדש!!
כִּי יִצְפְּנֵנִי בְּסְכֹּה בְּיוֹם רָעָה יַסְתִּרֵנִי בְּסֵתֶר אָהֳלוֹ בְּצוּר יְרוֹמְמֵנִי (תהילים כז, ה) ווייל דער אויבערשטער וועט מיר באהאלטן אין זיין סוכה אין א שלעכטן טאג [ווען מיינע פיינט ווילן זיך שטארקן אויף מיר], ער וועט מיר באהאלטן אין די באהעלטעניש פון זיין געצעלט, ער וועט מיר דערהייבן אויף א פעלזן שטיין
מרן רביה"ק מסאטמאר זי"ע זאגט: מ'קען ערקלערן, אז דער פסוק גייט ארויף אויף די מצוה פון סוכה, ווייל די סוכה איז באמת א טיילווייזע קדושה פון דעם בית המקדש, נאר דאס איז באהאלטן, און דאס איז נישט אזוי אויפגעדעקט, מ'קען דאס נישט זען אזוי אפן ווי אין בית המקדש.
דאס איז די כוונה פון דעם פסוק: "יסתירני בסתר אהלו" – כאטש וואס דער אויבערשטער באהאלט מיר טאקע אין די סוכה, וואס דאס איז ענליך צו די קדושה פון דעם בית המקדש, פארט בעטן מיר אבער, און מיר זענען מתפלל: "בצור ירוממני" – אז מיר זאלן זוכה זיין צו די קדושה פונעם בית המקדש אליין, וואס דאן וועט זיין דערהויבן און אפן די קדושה פון די שכינה, דער אויבערשטער זאל העלפן, אז מיר זאלן בקרוב זוכה זיין דערצו".
יח וזל"ק (דברי יואל, מוצאי יום כיפור, עמ' שסג-ד): גם יתבאר המדרש (הובא לעיל) בזאת יבא אהרן הה"ד לדוד ה' אורי וישעי ממי אירא, רבנן פתרין קרא בר"ה ויום הכפורים וכו' אמרו ישראל לפני הקב"ה אם תחנה עלי מחנה של ס"מ לא יירא לבי, שהבטחתני בזאת יבא אהרן אל הקדש, עכ"ד המדרש... והנה לפי"ד המדרש שדרשו תחלת המזמור על יום הכפורים כנ"ל, אפ"ל דמה שסיים דוד המע"ה אח"כ כי יצפנני בסכה וגו' יסתירני בסתר אהלו זה קאי על חג הסוכות, דאיתא בספה"ק שהסוכה יש בה מעין קדושת המקדש אלא שהוא בהסתר ולא בהתרוממות והתגלות כמו בביהמ"ק, וז"ש יסתירני בסתר אהלו, פי' אף שהקב"ה מסתירני בסוכה שהיא מעין בחי' בית המקדש, מ"מ שאלתנו ובקשתנו שיהי' בצור ירוממני שנזכה לקדושת ביהמ"ק ממש ששם תהי' קדושת השכינה בבחי' התרוממות והתגלות. והשי"ת יזכנו לזה בב"א.
