נָאכְדֶעם וָואס זֵיי הָאבְּן גֶעפוּנֶען דָאס קִינְד, זֶענֶען זֵיי וַוייטֶער גֶעגַאנְגֶען בִּין זֵיי זֶענֶען אָנְגֶעקוּמֶען צוּ אַ גֶעוִויסֶע מְדִינָה. זֵיי הָאבְּן גֶעפְרֶעגְט: "וֶוער אִיז עֶנְקֶער קֶענִיג?" הָאבְּן דִי מֶענְטְשְׁן פוּן יֶענֶע מְדִינָה גֶעעֶנְטְפֶערְט אַז זֵיי הָאבְּן אוֹיסְגֶעוֶועלְט יִרְצִיחָה' אַלְס זֵייעֶר הֶעכְסְטֶער צִיל, אוּן דֶערְפַאר הָאבְּן זֵיי בַּאקְרוֹינְט אַ רוֹצֵחַ פַאר אַ קֶענִיג.
אֵיין טָאג הָאבְּן זֵיי גֶעטְרָאפְן אַ פְרוֹי וָואס זִינְט אִין אַ יַם פוּן בְּלוּט. הָאבְּן זֵיי גֶעטְרַאכְט: "זִי מוּז זִיכֶער זַיין אַ גָאר גְרוֹיסֶע מֶערְדֶערִין, אַז זִי זִינְט אִין אַזָא יַם פוּן בְּלוּט." הָאבְּן זֵיי אִיר אוֹיפְגֶענוּמֶען אַלְס זֵייעֶר קֶענִיגְן. אָבֶּער וֶוען זֵיי זֶענֶען אַרַיינְגֶעקוּמֶען צוּ אִיר אִין צִימֶער, וָואס הָאבְּן זֵיי אַנְטְדֶעקְט? אַז דָאס אִיז דִי קֶענִיגְן וָואס וֶויינְט אָן אוֹיפְהֶער, אוּן פוּן אִירֶע טְרֶערְן אִיז גֶעוָוארְן אַ גַאנְגֶע יַם פוּן בְּלוּט.
דֶער כֹּחַ פוּן רְצִיחָה קֶען נִתְהַפֵךְ וֶוערְן צוּ רַחֲמָנוּת, אַזוֹי אַז דִי מִדָּה פוּן רְצִיחָה - וָואס בַּאשְׁטֵייט פוּן בְּלוּט אוּן הַרְגֶענֶען - קֶען וֶוערְן אַ טַייךְ פוּן טְרֶערְן וָואס פְלִיסְט פוּן אַ בֶּענְקֶעדִיג אוּן אִיבֶּערְגֶעפִילְט הַארְץ פַארְ'ן בַּאשֶׁעפֶער.
"נוּ, נוּ, לָאמִיר הֶערְן," הָאט דֶער זֵיידֶע גֶעזָאגְט מִיט אַן עֶרְנְסְטְן שְׁמֵייכְל. "אַמאל, וֶוען אִיךְ זֶע שְׁלֶעכְטֶע זַאכְן אִין כִּתָּה, לְמָשָׁל וֶוען אֵיינֶער פִירְט זִיךְ נִישְׁט אוֹיף בְּכָבוֹדִ׳יג צוּ אַ צְוֵוייטְן קִינְד, אָדֶער וֶוען אִיךְ פַארְשְׁטֵיי נִישְׁט גוּט דֶעם שִׁיעוּר, אוּן סְפֶּעצִיעֶל וֶוען אִיךְ דַאוֶוען, וִויל אִיךְ פָּשׁוּט... וַויינֶען... יָא, מַיינֶע אוֹיגְן פִילְן זִיךְ אָן מִיט טְרֶערְן, אוּן אִיךְ שְׁפִּיר אַז יֶעדֶע רֶגַע גִייט אַ גֶעוֶויין מַמָשׁ אוֹיסְפְּלַאצְן פוּן מִיר. אִיךְ פְּרָאבִּיר זֵייעֶר שְׁטַארְק עֶס צוּרִיקְצוּהַאלְטְן אוּן אִיךְ בֵּייג זִיךְ אַרְאפּ דֶעם קָאפּ כְּדֵי מְ'זָאל נִישְׁט זֶען מַיינֶע טְרֶערְן, אָדֶער גֵיי אִיךְ אַרוֹיס אוּן אִיךְ בַּאהַאלְט זִיךְ - אוֹיבּ אִיךְ קֶען."
מְ׳הָאט גֶעשִׁיקְט שְׁרַגָא׳ן פוּן דֶערְהֵיים עֶר זָאל בַּאגְלֵייטְן זַיין זֵיידְן צוּ אַ שֶׁבַע בְּרָכוֹת. דֶער עֶלְטֶערֶער זֵיידֶע אִיז גֶעגַאנְגֶען מִיט אַ לַאנְגֶע שְׁטֶעקְן זִיךְ אֶנְצוּלַאנֶען, אָבֶּער צוּמָאל, סְפֶּעצִיעֶל וֶוען עֶר הָאט חָלִילָה גֶעדַארְפְט אַרוֹיפְגֵיין טְרֶעפּ, הָאט עֶר גֶעדַארְפְט אַ צְוֵוייטְן זָאל אִים גֶעבְּן אַ הַאנְט. שְׁרַגָּא, דֶער עֶלְטְסְטֶער פוּן דִי אֵיינִיקְלֶעךְ, אִיז שְׁטֶענְדִיג גֶעוֶוען פְרֵיילִיךְ צוּ גֵיין מִיט זַיין זֵיידְן. אָפְטְמאל, וֶוען עֶר הָאט גֶעהַאט אַבִּיסְל צַייט, פְלֶעגְט זִיךְ זַיין הַארְץ עֶפֶענֶען אוּן עֶר פְלֶעגְט שְׁמוּעֶסְן מִיט זַיין "זֵיידֶע" זַאכְן וָואס קֵיין שׁוּם אַנְדֶערֶע אֵיינִיקְל הָאט נִישְׁט גֶערֶערְט.
"שְׁרַנָּא מַיינֶער, זָאלְסְטוּ וִויסְן: טְרֶערְן זֶענֶען אַ מַתָּנָה. מֶענְטְשְׁן מֵיינֶען אַז וַויינֶען אוּן פַארְגִיסְן טְרֶערְן אִיז אַ בּוּשָׁה; דֶערְפַאר קִילְן זֵיי אָפּ זֵייעֶר מֹחַ אוּן הִיטְן זִיךְ נִישְׁט צוּ נִתְעוֹרֵר וֶוערְן פוּן גָארְנִישְׁט, כְּדֵי עֶס זָאל זֵיי נִישְׁט קוּמֶען צוּ וַויינֶען. עֶס זֶענֶען אֲפִילוּ דָא אַזֶעלְכֶע וָואס גֵייעֶן דוּרְךְ פִילֶע יָארְן אָן וַויינֶען, אֲפִילוּ וֶוען זֵיי גֵייעֶן דוּרְךְ שְׁוֶוערֶע צַייטְן. אָבֶּער דוּ בִּיסְט גֶעבֶּענְטְשְׁט גֶעוָוארְן מִיט דִי מַתָּנָה פוּן וַויינֶען אוּן טְרֶערְן; דָאס אִיז אַ סְפֶּעצִיעֶלֶע מַעֲלָה וָואס בְּרֶענְגְט דָאס הַארְץ זֵייעֶר נָאנְט צוּם בַּאשֶׁעפֶער."
אוֹיךְ יֶעצְט, וֶוען זֵיי זֶענֶען אָנְגֶעקוּמֶען פְרִי צוּם זָאל וֶוען דִי בַּעֲלֵי שִׂמְחָה זֶענֶען נָאךְ נִישְׁט דָארְט גֶעוֶוען, הָאט דֶער זֵיידֶע גֶעבֶּעטְן אַרוֹיסְצוּגִיין אִינֶעם הוֹיף כַאפְּן אַבִּיסְל פְרִישֶׁע לוּפְט אוּן פַארְבְּרֶענְגֶען דִי צַייט מִיט שְׁרַגָּא, זַיין בַּאלִיבְּט אֵיינִיקְל.
אִין דִי מַעֲשֶׂה הָאבְּן מִיר גֶעזֶען דִי קֶענִיגְן זִיצְן אִין אַ יַם פוּן טְרֶערְן. אַ ים פוּן טְרֶערְן אִיז אַ בַּאוַוייז אוֹיף אַ רִיזִיג, וַוארֶעם אוּן רַחֲמָנוּת'דִיג הַארְץ. וִוי דֶער רָבִּי הָאט גֶעזָאגְט, מִיר דָארְפְן אוֹיפְפְלַאמֶען אוּנְזֶער הַארְץ צוּ אוּנְזֶער פָאטֶער אִין הִימְל.