כבוד אב ואם אין הלכה און מנהג

לויט'ן 'קונטרס הלכות כיבוד אב ואם בשבתות ומועדי השנה', פון הגאון רבי שמשון קורלאנדסקי שליט"א.

פונקט ווי יעדער איד איז מחויב צו לערנען די הלכות וואס זענען נוגע למעשה יעדן טאג, ווי למשל הלכות ברכות, שבת, און שמירת הלשון, די זעלבע זאך איז מען מחויב צו לערנען און חזר'ן די הלכות פון כיבוד און מורא אב ואם. די מצוה איז א 'מצוה תמידית' וואס באגלייט דעם מענטש יעדע מינוט, און עס איז גאר א הארבע זאך. אויב א מענטש וועט נישט גוט דורכלערנען די הלכות, וועט ער נישט וויסן וויאזוי דאס מקיים זיין ריכטיג, און ער וועט זיכער נכשל ווערן אין אסאך הארבע הלכות, אן דעם וואס ער זאל אפילו וויסן.