וַיְהִי בְשָׁלֵם סוּכּוֹ

חַג הַסְכּוֹת

וַיְהִי בְשָׁלֵם סוּכּוֹ

* דִי סוּכָּה אִיז אַ בְּחִינָה פוּן 'קוֹדֶשׁ הַקְדָשִׁים' * הַפּוֹרֵס סְכַּת שָׁלוֹם עָלֵינוּ * בְּצִלּוֹ חָמַדְתִּי וְיָשַׁבְתִּי * יַסְתִּירֵנִי בְּסֵתֶר אָהֳלוֹ * אַ שֶׁתָּף מִיט השי"ת * סוּכָּה בִּירוּשָׁלַיִם * בְּצִילָא דִּמְהֵימָנוּתָא

דִי סוּכָּה אִיז אַ בְּחִינָה פון 'קוֹדֶשׁ הַקָּדָשִׁים'

עֶס שְׁטֵייט אִין מִדְרָשׁ תְּהִלִים (קאפטיל עו ג) וַיְהִי בְשָׁלֵם סוּכּוֹ וּמְעוֹנָתוֹ בְצִיּוֹן: אָמַר ר' בְּרַכְיָה מַתְחִילַת בְּרִיָּתוֹ שֶׁל עוֹלָם עָשָׂה הקב"ה בִּירוּשָׁלַיִם סוּכָה, כִּבְיָכוֹל שֶׁהָיָה מִתְפַּלֵּל בְּתוֹכָהּ: יְהִי רָצוֹן שֶׁיִּהְיוּ עוֹשִׂין בָּנֵי רְצוֹנִי, כְּדֵי שֶׁלֹא אַחֲרִיב אֶת בֵּיתִי וּמִקְדָּשִׁי. בִּשְׁעַת דֶער אוֹיבֶּערְשְׁטֶער הָאט בַּאשָׁאפְן דֶער וֶועלְט, הָאט עֶר בַּאשָׁאפְן אִין יְרוּשָׁלַיִם אַ סוּכָה, וָואס עֶר הָאט גֶעדַאוֶוענְט דֶערִין פַאר כְּלַל יִשְׂרָאֵל אַז זֵיי זָאלְן טוּן דֶעם רָצוֹן הַשֵּׁם, כְּדֵי עֶר זָאל נִישְׁט דָארְפְן חָרוּב מַאכְן זֵיין הויז דִי בֵּית הַמִּקְדָּשׁ. וְכֵיוָן שֶׁחָרָב, הוּא מִתְפַּלֵּל: יְהִי רָצוֹן מִלְפָנֵי שֶׁיַּעֲשׂוּ בָּנֵי תְּשׁוּבָה שֶׁאֲקָרֵב בִּנְיַן בֵּיתִי וּמִקְדָּשִׁי, אוּן וֶוען דֶער בֵּית הַמִּקְדָּשׁ אִיז חָרוּב גֶעוָוארְן, אִיז דֶער אוֹיבֶּערְשְׁטֶער מִתְפַּלֵּל, "יְהִי רָצוֹן אַז מֵיינֶע קִינְדֶער זָאלְן תְּשׁוּבָה טוּן, כְּדֵי אִיךְ זָאל שׁוֹין קֶענֶען צוּרִיק אוֹיפְבּוֹיעֶן מֵיין שְׁטוּבּ".א

דֶער אַלְשִׁיךְ הַק' (איכה ב ו) לֶערְנְט פְּשַׁט אִין דִי מִדְרָשׁ, אַז דֶער פְּלַאץ וואוּ דֶער אוֹיבֶּערְשְׁטֶער הָאט גֶעמַאכְט זֵיין סוּכָּה בִּשְׁעַת בְּרִיאַת הָעוֹלָם, אִיז אוֹיפְן זֶעלְבְּן אָרְט דָארְט וואוּ דֶער קוֹדֶשׁ הַקָּדָשִׁים אִיז גֶעשְׁטַאנֶען אִין דֶער בֵּית הַמִּקְדָּשׁ. אַזוֹי וִוי אַ שׁוֹמֵר הַפַּרְדֵס – וָואס הִיט אָפּ אוֹיף זֵיין שֶׁטַח, בּוֹיעֶט עֶר זִיךְ אַ בּוּדְקֶע צוּ קֶענֶען זֶען זֵיינֶע מֶעלְדֶער, אַזוֹי אוֹיךְ הָאט דִי שְׁכִינָה דָארְטְן אַוֶועקְגֶעשְׁטֶעלְט אִיר פְּלַאץ צוּ זִיךְ אוּמְקוּקְן אוֹיף דֶער וֶועלְט.

וֶוען מֶען בֶּענְטְשְׁט בִּרְכַּת הַמָּזוֹן אִין סוּכּוֹת, בֶּעט מֶען אַ תְּפִילָה: 'הָרַחֲמָן הוּא יָקִים לָנוּ אֶת סֶכַּת דָּוִד הַנּוֹפָלֶת'. מֶען זֶעט דֶערְפוּן

א. דִי מִדְרָשׁ זָאגְט דָארְטְן אַז דֶער סִיבָּה פַארוָואס יְרוּשָׁלַיִם הֵייסְט 'יְרוּשָׁלַיִם', וִויבַּאלְד מַלְכֵי צֶדֶק – שֵׁם בֶּן נֹחַ, הָאט דָאס אַנְגֶערוּפְן 'שָׁלֵם' (בראשית יד יח), אוּן אַבְרָהָם אָבִינוּ הָאט דָאס גֶערוּפְן 'יִרְאָה' (בראשית כב יד), דֶערִיבֶּער הָאט דֶער אוֹיבֶּערְשְׁטֶער גֶעמַאכְט אַ צִירוּף צְוִוישְׁן דִי צְוֵויי נֶעמֶען צוּזַאמֶען צוּ 'יְרוּשָׁלַם' – 'יִרְאָה-שָׁלֵם'.

אַז דִי מִצְוָה פוּן סוּכָּה הָאט אַ שַׁיָּכוּת צוּם בֵּית הַמִּקְדָּשׁ – 'סְכַּת דָּוִד', אוּן מִיט דֶער זְכוּת פוּן מִצְוַת סוּכָּה בֶּעט מֶען אַז מֶען זָאל שׁוֹין קֶענֶען זִיצְן שְׁנֶעל אִין גִיכְן אִינֶעם בֵּית הַמִּקְדָּשׁ.

וָואסְפָארָא שַׁיָּכוּת הָאט דִי מִצְוָה פוּן סוּכָּה מִיט דִי בֵּית הַמִּקְדָּשׁ? אוּן פַארְוָואס טַאקֶע הָאט דֶער אוֹיבֶּערְשְׁטֶער גֶעבּוֹיט זֵיין סוּכָּה אִינֶעם בֵּית הַמִּקְדָּשׁ?

בַּאדֶעקְט מִיט זֵייעֶר פְלִיגְלֶעךְ, אַזוֹי וִוי בֵּיי אַ סוּכָּה וָואס אִיז בַּאדֶעקְט מִיט סְכָךְ, וָואס דָאס אִיז מַשְׁפִּיעַ פַאר אוּנְז גוּטֶע הַשְׁפָּעוֹת פוּן אוֹיבְן.

בְּצִלּוֹ חָמַדְתִּי וְיָשַׁבְתִּי

אִין סֵפֶר אֶבֶן שְׁלֵמָה (פרק יא אות א) וֶוערְט גֶעבְּרֶענְגְט בְּשֵׁם דֶער גְרָ"א אַן אִינְטְרֶעסַאנְטֶע חִדּוּשׁ, עֶר שְׁרֵייבְּט דָארְטְן: אַרְבָּעָה עִנְיְנֵי גְּאוּלָה יִהְיֶה בְּאַרְבָּעָה פְּרָקִים שֶׁהָעוֹלָם נִדּוֹן (ראש השנה טז.): דִי גְאוּלָה וֶועט זֵיין גֶעטַיילְט אִין פִיר בַּאזוּנְדֶערֶע אֵייטְן, אִין דִי פִיר זְמַנִּים וָואס דֶער וֶועלְט וֶוערְט גֶע'מִשְׁפְּט: בְּפֶסַח יִגָּאֲלוּ מֵהַשִׁעְבּוּד. וּבְרֹאשׁ הַשָּׁנָה תִּהְיֶה גְמַר הַדִּין בְּאוֹיְבֵי ה'. וּבַעֲצֶרֶת [חַג הַשָּׁבוּעוֹת] יִהְיֶה קִבּוּץ גְלוּיוֹת עַל יְדֵי מֹשֶׁה רַבֵּינוּ ע"ה, 'וּבְסֶכּוֹת בִּנְיַן בֵּית הַמִּקְדָּשׁ'. אִין פֶּסַח וֶועט מֶען וֶוערְן אוֹיסְגֶעלֵייזְט פון דִי שִׁעְבּוּד גָּלֵּיוֹת, אִין רֹאשׁ הַשָּׁנָה וֶועט זֵיין דֶער גְמַר דִין אוֹיף דִי אוֹיְבַי ה', אִין שָׁבוּעוֹת, וֶועט מֹשֶׁה רַבֵּינוּ מַאכְן אַ קִבּוּץ גָּלֶיּוֹת, אוּן אוּם סוּכּוֹת וֶועט וֶוערְן אוֹיפְגֶעבּוֹיעֶט דִי בֵּית הַמִּקְדָּשׁ.

אַלֶע פַאסִירוּנְגֶען וָואס גֵייט גֶעשֶׁען, אִיז זֵייעֶר פַארְשְׁטֶענְדְלִיךְ פַארְוָואס עֶס זָאל פָּאסִירְן פּוּנְקְט אִין דֶעם טָאג: אִין פֶּסַח וָואס דָאס אִיז זְמַן חֵרוּתֵנוּ וֶוען מִיר זֶענֶען גֶעוָוארְן אוֹיסְגֶעלֵייזְט פוּן פַּרְעֹה, אִיז אַ פָּאסִיגֶע צַייט צוּ וֶוערְן אוֹיסְגֶעלֵייזְט פון שִׁעְבּוּד גָּלְיּוֹת. רֹאשׁ הַשָּׁנָה וֶוען עֶס אִיז אַ יוֹם הַדִּין, אִיז פַאסִיג צוּ עֶנְדִיגְן דֶעם דִּין מִיט דִי אַלֶע מֶענְטְשֶׁען וָואס הָאבְּן פֵיינְט ה'. שָׁבוּעוֹת אִין דֶער צייט וֶוען מִיר הָאבְּן מְקַבֵּל גֶעוֶוען דִי תּוֹרָה דּוֹרְךְ מֹשֶׁה רַבֵּינוּ, אִין אַזָא טָאג אִיז דֶער זְמַן גֶערָאטְן אַז מֹשֶׁה רַבֵּינוּ

הַפּוֹרֵס סְכַּת שָׁלוֹם עָלֵינוּ

עֶס שְׁטֵייט אִין תִּקּוּנֵי זֹהַר (רעיא מהימנא פר' פנחס רנו.) שְׁכִינְתָּא דְאִיהִי סוּכָּה אַגִינַת עֲלַיְיהוּ וּפְרִישַׁת גַדְפָאָה עֲלַיְיהוּ כְּאִמָּא עַל בָּנִין, וּבְגִין דָא תְּקִינוּ לְבָרְכָא 'הַפּוֹרֵס סְכַּת שָׁלוֹם עָלֵינוּ', דִי שְׁכִינָה וָואס דָאס אִיז דִי סוּכָּה, טוּט בַּאשִׁיצְן אוּן עֶס שְׁפְּרֵייט אוֹיס אִירֶע פְלִיגְלֶען אַזוֹי וִוי אַ מַאמֶע פַאר אִיר קִינְדֶער, אוּן דֶערִיבֶּער הָאט מֶען מְתַקֵן גֶעוֶוען צוּ זָאגְן 'הַפּוֹרֵס סְכַּת שָׁלוֹם עָלֵינוּ'.

מִיט דִי וֶוערְטֶער פוּנֶעם זֹהַר הַק' קֶען מֶען פַארְשְׁטֵיין דֶעם שַׁיָּכוּת צְוִוישְׁן דִי מִצְוָה פון סוּכָּה אִין דִי בֵּית הַמִּקְדָּשׁ, וִויבַּאלְד דִי סוּכָּה אִיז אַזוֹי וִוי דֶער קוֹדֶשׁ הַקָּדָשִׁים וָואס דִי שְׁכִינָה הַק' גֶעפִינְט זִיךְ אִין אִיר, עֶס אִיז אַן אָרְט וואוּ דֶער אוֹיבֶּערְשְׁטֶער אִיז זִיךְ מְיַחֵד מִיט זֵיינֶע קִינְדֶער.

מֶען קֶען צוּלֵייגְן נָאךְ אַ שַׁיָּכוּת צְוִוישְׁן דֶער קוֹדֶשׁ הַקָּדָשִׁים מִיט דִי סוּכָּה, לוֹיט וִוי סְ'שְׁטֵייט אִין תִּפְאֶרֶת שְׁלמה (חג סוכות ד"ה והיו הכרובים) אִין דִי קוֹדֶשׁ הַקָּדָשִׁים זֶענֶען גֶעוֶוען דִי כְּרוּבִים 'סוֹכְכִים בְּכַנְפֵיהֶם',

זָאל קוּמֶען אוּן צֵאמְגֶעמֶען אַלֶע מֶענְטְשֶׁען מֵאַרְבַּע כַּנְפוֹת הָאָרֶץ, אָבֶּער וָואסְפַארַא שַׁיָּכוּת הָאט סוּכּוֹת מִיט דִי בִּנְיַן בֵּית הַמִּקְדָּשׁ?

אָבֶּער לוֹיט וִוי מִיר הָאבְּן מַסְבִּיר גֶעוֶוען דֶער שַׁיָּכוּת צְוִוישְׁן דֶער בֵּית הַמִּקְדָּשׁ אִין סוּכּוֹת אַז אִין בֵּיידֶע פְּלֶענֶער אִיז אַן אָרְט פַאר דִי שְׁכִינָה צוּ רוּעֶן, און צו בַּאשִׁיצְן כְּלַל יִשְׂרָאֵל, לוֹיט דֶעם פַארְשְׁטֵייט מֶען פַארְוָואס דֶער בֵּית הַמִּקְדָּשׁ וֶוערְט וֶוערְן אוֹיפְגֶעבּוֹיעֶט אִין סוּכּוֹת, וִויבַּאלְד בֵּיידֶע זֶענֶען אֵיין עִנְיָן.ב

מֶען זֶעט דֶערְפוּן וִוי חָשׁוּב אוּן בַּאלִיבְּט דִי מִצְוָה פוּן סוּכָּה אִין בֵּיים רִבּוֹנוֹ שֶׁל עוֹלָם, אַז הָאט אִין זִיךְ אַ גֶעוַואלְדִיגֶע גְרוֹיסֶע כֹּחַ אִין סְגוּלָה, אַז דוֹרְךְ זִיצְן אִין סוּכָּה קֶען מֶען דֶערְגְרֵייכְן בִּיזְן בֵּית הַמִּקְדָּשׁ שֶׁל מַעֲלָה, אוּן טוֹעֵם זֵיין פוּן דִי זִיסְקֵייט וָואס גֵייט זֵיין לֶעָתִיד לָבוֹא וֶוען דִי בֵּית הַמִּקְדָּשׁ גֵייט זֵיין אוֹיפְגֶעבּוֹיעֶט.

יַסְתִּירֵנִי בְּסֵתֶר אָהֳלוֹ

דֶער פָּנִים יָפוֹת (ויקרא טז ל ד"ה ויש להבין) בְּרֶענְגְט בְּשֵׁם דֶער אַלְשִׁיךְ הַק', אַז נָאכְדֶעם וָואס בֵּית הַמִּקְדָּשׁ אִיז חָרוּב גֶעוָוארְן, אוּן בַּעֲווֹנוֹתֵינוּ הָרַבִּים קֶען אוּנְזֶער גּוּף מֶער נִישְׁט אַרֵיינְגֵיין אִין בֵּית הַמִּקְדָּשׁ, פָארְט קֶען נָאךְ אוּנְזֶער נְשָׁמָה יָא אַרֵיינְגֵיין צוּם בֵּית הַמִּקְדָּשׁ שֶׁל מַעֲלָה וָואס דָאס אִיז דִי סוּכָּה. עֶר טַייטְשׁ דָאס אַרֵיין אִין פָּסוּק כִּי יִצְפְּנֵנִי בְּסֶכּוֹ בְּיוֹם רָעָה, וֶוען מֶען גִייט אַרֵיין אִין דִי סוּכָּה אִין דִי טוּנְקֶעלֶע גָּלוּת טֶעג, יַסְתִּירֵנִי בְּסֵתֶר אָהֳלוֹ, וֶוערְט דָאס גֶערֶעכְנְט כְּאִלּוּ וִוי מֶען גֶעפִינְט זִיךְ אִין בֵּית הַמִּקְדָּשׁ שֶׁל מַעֲלָה.

ב. דֶער זֶעלְבֶּע גֶעדַאנְק שְׁטֵייט אִין דִרְשַׁת הַמַהֲרַ"ל (דְרָשָׁה לְשַׁבַּת הַגָּדוֹל) וִוי עֶר שְׁרֵייבְּט דָארְטְן אַז בִּזְכוּת דֶעם עֶרְשְׁטְן טָאג פוּן סוּכּוֹת וֶועלְן מִיר זוֹכֶה זַיין צוּם בִּנְיַן בֵּית הַבְּחִירָה, וְכַאֲשֶׁר יִשְׂרָאֵל מְקַיְמִים מִצְוַת סוּכָּה - לֵישֵׁב בַּסוּכָּה, גַם כֵּן הַקְבָּ"ה שׁוֹרָה וּמַשְׁרָה אֶת שְׁכִינָתוֹ בְּמִקְדָּשׁ שֶׁנִּקְרָא בְּשֵׁם סוּכָּה, אוּן וֶוען דִי אִידְן זֶענֶען מְקַיֵּים דֶעם מִצְוָה פוּן סוּכָּה, טוּט דֶער אוֹיבֶּערְשְׁטֶער מַשְׁרָה זַיין דִי שְׁכִינָה אִין בֵּית הַמִּקְדָּשׁ וָואס דָאס אִיז זֵייִן סוּכָּה. עֶר אִיז מַסְבִּיר דָארְטְן בַּאֲרִיכוּת אַז דִי סוּכָּה אִיז גֶעוֶוען אַרוּמְגֶענוּמֶען מִיט דִי עַנְנֵי הַכָּבוֹד, וָואס דִי שְׁכִינָה הָאט זִיךְ גֶעפִינֶען דֶערִין.

עֶס שְׁטֵייט אִין מַהַרְשָׁ"א (חִדּוּשֵׁי אַגָּדוֹת, פְּסָחִים ה.) וְטַעַם הַשְּׁבִיתָה בְּחַג הַמֶּכּוֹת וְכוּ' בְּהוֹצִיאָנוּ ה' מִמִּצְרַיִם פָּרַס סְכַּת שְׁלוֹמוֹ עָלֵינוּ, כְּמוֹ שֶׁנֶּאֱמַר כִּי בַסֶכּוֹת הוֹשַׁבְתִּי' וְגוֹ', בִּזְכוּת זֶה יִזְכּוּ לַגְּאֻלָה בְּבִנְיַן בֵּית הַמִּקְדָּשׁ לְהַשְׁרוֹת שְׁכִינָתוֹ עָלֵינוּ, כְּטַעַם וַיְהִי בְשָׁלֵם סוּכּוֹ' וְגוֹ'. דֶער טַעַם פַארְוָואס מִיר זִיצְן אִין סוּכָּה, אִיז צוּלִיבּ דֶעם וָואס וֶוען דֶער אוֹיבֶּערְשְׁטֶער הָאט אוּנְז אַרוֹיסְגֶענוּמֶען פון מִצְרַיִם, הָאט עֶר אוּנְז אַרוּמְגֶענוּמֶען אוּן בַּאשִׁיצְט. אוּן דֶער מַהַרְשָׁ"א עֶנְדִיגְט צוּ אַז בִּזְכוּת דֶעם וֶועט מֶען זוֹכֶה זֵיין אַז דֶער שְׁכִינָה זָאל רוּעֶן אויף אוּנְז בֵּיים בֵּית הַמִּקְדָּשׁ הַשְּׁלִישִׁי.

מֶען קֶען פַארְשְׁטֵיין דֶער בְּרָכָה וָואס דֶער מַהַרְשָׁ"א גִיבְּט, לוֹיט וִוי מִיר הָאבְּן שׁוֹין עֶרְקְלֶערְט אַז דֶער סוּכָּה אִיז אַ בְּחִינָה פוּן דֶער 'קוֹדֶשׁ הַקָּדָשִׁים' וָואס דָארְטְן אִיז

דֶער סוּכָּה פון הקב"ה, אוּן וֶוען דִי אִידְן זֶענֶען מְקַרֵיִם דִי מִצְוָה פון סוּכָּה אוּן זֵיי פְרֵייעֶן זִיךְ צוּ זִיצְן מִיט דִי שְׁכִינָה אִינְאֵיינֶעם – נָגִילָה וְנִשְׂמְחָה בָּךְ, וֶוערְט נִתְעוֹרֵר אַ רָצוֹן הָעֶלְיוֹן בֵּיים בַּאשֶׁעטֶער צוּ וִוילְן זִיצְן מִיט זֵיין פָאלְק אַ גַאנְץ יָאר מִיט אִירֶע פילְן פְּרַאכְט אוּן שֵׁיינְקֵייט אִין בֵּית הַמִּקְדָּשׁ הַשְׁלִישִׁי וָואס גֵייט אַרָאפְּקוּמֶען בִּמְהֵרָה בְּיָמֵינוּ אָמֵן.ג

אַ שֶׁתָּף מִיט השי"ת

עֶס שְׁטֵייט אִין סֵפֶר מַהֲרִ"י וַוייל (שו"ת קצא ד"ה ויש, עֶס וֶוערְט גֶעבְּרֶענְגְט אִין אֵלִיָּהוּ זוּטָא או"ח תרלג סק"א) אַז אֵיינֶער וָואס אִיז מְקַיֵּים דֶעם מִצְוָה פוּן זִיצְן אִין אַ סוּכָּה, וֶוערְט אַ שֶׁתָּף מִיט דֶער אוֹיבֶּערְשְׁטֶער אִין מַעֲשֵׂה בְּרֵאשִׁית. דֶער סְגוּלָה פוּן מְקַרֵיִם זֵיין דֶער מִצְוָה פוּן בַּסוּכּוֹת תֵּשְׁבוּ' אִיז אַזוֹי גְרוֹיס, אַז מֶען אִיז זוֹכֶה צוּ וֶוערְן אַ שֶׁתָּף מִיט השי"ת.

מִיר גֶעפוּנֶען אוֹיךְ אַזָא מֵימְרָא בֵּיי קַבָּלַת שַׁבָּת, וִוי דִי גְּמָרָא זָאגְט (שבת קיט:) אָמַר רַב הַמְנוּנָא כָּל הַמִּתְפַּלֵּל בְּעֶרֶב שַׁבָּת וְאוֹמֵר וַיְכַלּוּ, מַעֲלֶה עָלָיו הַכָּתוּב כְּאִלּוּ נַעֲשָׂה שֶׁתָּף לַהקב"ה בְּמַעֲשֶׂה בְּרֵאשִׁית, וֶוער עֶס זָאגְט וַיְכַלּוּ שַׁבָּת בֵּיינַאכְט, וֶוערְט כִּבְיָכוֹל אַ שֶׁתָּף מִיט השי"ת אִין מַעֲשֶׂה בְּרֵאשִׁית.ה

דֶער הֵיילִיגֶער אוֹר הַחַיִּים (בראשית ב ג) פְרֶעגְט וִוי אַזוֹי אִיז מֶעגְלִיךְ אַז אַ בָּשָׂר וָדָם זָאל קֶענֶען וֶוערְן אַ שֶׁתָּף מִיט אַ זַאךְ וָואס אִיז שׁוֹין פַארְטִיג גֶעוָוארְן נָאךְ אֵיידֶער עֶר אִיז בַּאשָׁאפְן גֶעוָוארְן.ו

מֶען קֶען פְרֶעגְן נָאכְמֶער פַארְוָואס פּוּנְקְט בֵּיי דִי מִצְוָה פוּן זִיצְן אִין סוּכָּה אִין

ג. קען זיין אז צוליב דעם איז חודש תשרי א צייט פון נצחון אויף גוג ומגוג אזוי ווי עס שטייט אין טור (סימן תצ) אז דער טעם פארוואס מען ליינט די הפטרה פון שבת חול המועד סוכות מלחמת גוג ומגוג, ווייל דורך די סוכה איז מען מקרב די גאולה.

ד. ווען מען איז געקומען מודיע זיין פאר הרה"ק ר' שלמה'קע זווילער זי"ע אז די דייטשן זענען שוין ביים גרעניץ פון ארץ ישראל, האט ער געפרעגט "פארוואס איז מען מיך נישט געקומען מודיע זיין שבת ביינאכט פאר קידוש, וואס דעמאלט איז א זמן התעוררות און מען קען פועל'ן ישועות, ווייל מען ווערט דאך א שיתוף מיט השי"ת, און ווען א שיתוף פארלאנגט, דארף מען אויספילן זיין וואונטש". [למעשה האט ר' שלמה'קע גע'פועל'ט אז די רשעים די דייטשן זאלן נישט קענען אריינקומען אין ארץ ישראל, ווי באקאנט אז ער איז געווען ביי דער קבר פונעם אור החיים הק' און געזען דער שם הוי"ה לייכטן אין שיינע אותיות].

ה. דער צוגלייך פון שבת און סוכות טרעפן מיר שוין א רמז אין תפארת שלמה, ווי ער שרייבט אויף דער פסוק בסוכות תשבו שבעת ימים איז ראשי תיבות 'שבת'.

ו. דער אור החיים הק' ענטפערט, אז ווען עס וואלט נישט געווען שמירת שבת אויף די וועלט וואלט עס חרוב געווארן. קומט אויס אז דורך דעם וואס מען היט אפ דעם שבת קודש, האלט מען אפ דער וועלט פון צאמפאלן, דעריבער ווערט מען א שותף במעשה בראשית.

סוּכָּה בִּירוּשָׁלַיִם

כְּדֵי צוּ פַארְשְׁטֵיין דֶער עִנְיַן פוּן שֶׁתָּפוֹת מִיט הקב"ה, וֶועלְן מִיר אַרָאפּ בְּרֶענְגְן דִי מִדְרָשׁ, אוֹיפְן פָּסוּק (תהלים עו ג), וַיְהִי בְשָׁלֵם סוּכּוֹ: אָמַר ר' בְּרַכְיָה מִתְּחִלַת בְּרִיָּתוֹ שֶׁל עוֹלָם עָשָׂה הקב"ה בִּירוּשָׁלַיִם סוּכָּה, כִּבְיָכוֹל, שֶׁהָיָה מִתְפַּלֵּל בְּתוֹכָהּ וכו', וֶוען דֶער אוֹיבֶּערְשְׁטֶער הָאט בַּאשָׁאפְן דִי וֶועלְט הָאט עֶר גֶעבּוֹיעֶט אַ סוּכָּה אִין יְרוּשָׁלַיִם, אוּן מִתְפַּלֵּל גֶעוֶוען דָארְטְן, אַז כְּלַל יִשְׂרָאֵל זָאל בְּלֵייבְּן עֶרְלִיךְ, אוּן עֶר זָאל נִישְׁט דַארְפְן חָרוּב מַאכְן דֶעם בֵּית הַמִּקְדָּשׁ.

דֶער תִּפְאֶרֶת שְׁלֹמֹה אִיז מַסְבִּיר פַארְוָואס גְלֵייךְ בֵּיים אָנְפַאנְג בֵּיים בְּרִיאַת הָעוֹלָם, הָאט דֶער אוֹיבֶּערְשְׁטֶער גֶעבּוֹיעֶט אַ סוּכָּה? עֶר עֶרְקְלֶערְט דָאס מִיט דֶעם וָואס עֶס שְׁטֵייט אִין פָּסוּק (ויקרא כג מא) וְחַגּתֶם אֹתוֹ חַג לַה' שִׁבְעַת יָמִים בַּשָּׁנָה, דֶער וָוארְט 'בַּשָּׁנָה' קוּמְט אוּנְז צוּלֶערְנֶען אַז וֶוען מֶען פְּרָאוֶועט דִי זִיבְּן טֶעג פוּן דֶעם יוֹם טוֹב סוּכּוֹת, אִיז עֶס מַשְׁפִּיעַ בְּרָכָה אוּן שֶׁפַע פַאר 'בַּשָּׁנָה' - דִי גַאנְגֶע יָאר. דִי זִיבְּן טֶעג סוּכּוֹת אִיז מַשְׁפִּיעַ אוֹיף דֶעם גַאנְגֶע יָאר.

בְּצִילָא דִּמְהֵימָנוּתָא

קוּמְט אוֹיס אַז מִיט דֶעם וָואס מֶען אִין מְקַיֵּיִם דִי מִצְוָה פוּן זִיצְן אִין אַ סוּכָּה, אִיז עֶס מַשְׁפִּיעַ בְּרָכָה פַאר כְּלַל יִשְׂרָאֵל אַ גַאנְגֶע יָאר, דֶערִיבֶּער הָאט דֶער אוֹיבֶּערְשְׁטֶער גֶעבּוֹיט זֵיין סוּכָּה דַּוְקָא בֵּיים בְּרִיאַת הָעוֹלָם כְּדֵי צוּ מַשְׁפִּיעַ זֵיין בְּרָכָה אִין דֶער גַאנְגֶע וֶועלְט, וֶוייל דֶער גַאנְגֶע תַּכְלִית פוּן דֶער בְּרִיאָה אִיז לְהֵטִיב לִבְרוּאָיו' צוּ מַאכְן גוּט פַאר דֶער מֶענְטְשְׁען, אוּן דֶער אוֹיבֶּערְשְׁטֶער הָאט גֶעוָואלְט אַרֵיינְגֶעבְּן אַ בְּרָכָה אִין דִי וֶועלְט, דֶערְפַאר הָאט עֶר גֶעבּוֹיט אַ סוּכָּה, וָואס פוּן דֶעם קוּמְט אַרוֹיס אַלֶע גוּטֶע הַשְׁפָּעוֹת פַאר דִי וֶועלְט.

לוֹיט דֶעם פַארְשְׁטֵייט מֶען זֵייעֶר גוּט דֶער מַהֲרִ"י וַוייל וָואס מִיר הָאבְּן אוֹיבְן גֶעבְּרֶענְגְט, דוּרְךְ דֶעם וָואס אוּנְז זֶענֶען מְקַנֵיִם מִצְוַת סוּכָּה, וָואס פוּן דֶעם וֶוערְט נִשְׁפַּע דֶער גַאנְגֶע בְּרִיאָה מִיט בְּרָכוֹת אוּן הַשְׁפָּעוֹת פַאר דִי גַאנְגֶע יָאר, מִיט דֶעם פַארְשְׁטֵייט מֶען פַארְוָואס מֶען וֶוערְט אַ שֶׁתָּף מִיט מַעֲשֶׂה בְּרֵאשִׁית, וֵוייל דִי וֶועלְט אִיז דָאךְ בַּאשָׁאפְן גֶעוָוארְן צוּ מַשְׁפִּיעַ זֵיין בְּרָכָה פַאר גַאנְץ כְּלַל יִשְׂרָאֵל. אוּנְז וֶוערְן אַ שֶׁתָּף מִיט השי"ת, אוּנְז בַּאטַאפְן דִי גוּטֶע הַשְׁפָּעוֹת פַאר דִי וֶועלְט.