מִּפִי עֹולְלִים

הַשְׁגָּחָה פְּרָטִית מַעֲשִׂיּוֹת, דֶערְצֵיילְט אֹויפְן הָאטְלַיין דּוּרְךְ דִי קִינְדֶער

נָאךְ גוּט אִיךְ הָאבּ פַארְשְׁפֶּעטִיגְט...

יְהוּדָה דֹונַט פוּן בֵּיתָר עִילִית דֶערְצֵיילְט:

יֶעדְן טָאג, כְּדֵי צוּ פָארְן צוּ מַיין תַּלְמוּד תּוֹרָה וָואס אִיז גַאנְץ וַוייט פוּן אוּנְזֶער הֹויז, דַארְף אִיךְ נֶעמֶען דִי שְׁטָאטִישֶׁע בָּאס. אוּן בִּיז דִי סְטַאנְצְיֶע פוּן דִי שְׁטָאטִישֶׁע בָּאס דַארְף אִיךְ אֹויךְ צוּגֵיין אַ שְׁטִיק וֶועג. אַ וֶועג וָואס נֶעמְט אוּמְגֶעפֶער פִינְעף מִינוּט! אִיךְ שְׁטַארְק זִיךְ יֶעדֶעס מָאל וָואס עֶס קוּמְט מִיר אָן שְׁוֶוער אַז עֶס וַוארט מִיר אַן עֶקְסְטֶערֶע שְׂכַר פַאר דִי וֶועגְן, אוּן עֶס לֹוינְט זִיךְ זִיךְ אֹויסְצוּמוּטְשֶׁען אֹויף צוּ גֵיין לֶערְנֶען תּוֹרָה.

אֵיין טָאג בִּין אִיךְ אָנְגֶעקוּמֶען צוּ דִי סְטַאנְצְיֶע וִוי גֶעוֶוענְלִיךְ אָבֶּער... אוּפְּס! דִי בָּאס פָארְט אַרִיבֶּער קֶעגְן מַיינֶע אֹויגְן. אִיךְ הָאבּ אִים פַארְשְׁפֶּעטִיגְט מִיט אַ סֶעקוּנְדֶע!

יֶעצְט דַארְף אִיךְ וַוארטְן גַאנְצֶע פוּפְצְן מִינוּט בִּיז עֶס וֶועט קוּמֶען דִי נֶעקְסְטֶע בָּאס!

אִיךְ הָאבּ גֶערֶעדְט צוּ מִיר, זִיךְ גֶעשְׁטַארְקְט, אַז אֹויךְ דָאס פַארְשְׁפֶּעטִיגְן אִיז נִישְׁט קֵיין צוּפַאל נָאר פַאר מַיין גוּטְס. גַּם זוּ לְטוֹבָה. וָואס דֶער בַּאשֶׁעפֶער טוּט אִיז גוּט. אוּן גֶעוַוארט. מִיט גֶעדוּלְד.

נָאךְ אַ לַאנְגֶע וַוארטְן אִיז דֶער בָּאס אָנְגֶעקוּמֶען אוּן אִיךְ הָאבּ זִיךְ עֶנְדְלִיךְ גֶעקֶענְט אַרָאפְּזֶעצְן.

אַזֹוי פָארְנְדִיג הָאבּ אִיךְ פְּלוּצְלוּנְג גֶעזֶען פוּן פֶענְסְטֶער וִוי דֶער פְרִיאֶערְדִיגֶער בָּאס, וֶועלְכֶער אִיז מִיר אַרִיבֶּערְגֶעפָארְן שְׁטֶעקְט צוּלִיבּ אַ פַּאנְטְשֶׁער (פְלֶע"ט טַייעֶ"ר)!

אִיךְ הָאבּ גֶעדַאנְקְט אוּן גֶעלֹויבּט דֶעם בַּאשֶׁעפֶער פַארְ'ן מִיר אָפְּהִיטְן פוּן צוּ פָארְן מִיט אַ בָּאס וָואס וָואלְט מִיר אָפְּגֶעשְׁטֶעלְט פַאר אַ לַאנְגֶע וַויילֶע אִינְמִיטְן וֶועג...

יֶעדֶע אָפְּהַאלְט אִיז צוּם גוּטְן

חַיִּים וֵוייס פוּן יְרוּשָׁלַיִם דֶערְצֵיילְט:

פַאר גֶעצֵיילְטֶע וָואכְן צוּרִיק אִיז מַיין שְׁוֶועסְטֶער גֶעפַאלְן אוּן צֶעבְּרָאכְן דִי בֵּיין פוּן נָאז אוּן אֹויךְ צֶעבְּרָאכְן אַ בַּאדַייטְפוּלֶע שְׁטִיק פוּן דִי פָאדֶערְשְׁטֶע צָאן.

דִי פְּרֶעשּׁוּר אִיז גֶעוֶוען גְרוֹיס. וַוייל וִוי יֶעדֶער וֵוייסְט, אַז אִין אַזַא פַאל, אֹויבּ וִויל מֶען רַאטֶעוֶוען דִי שְׁטִיקְל צָאן מוּז מֶען עֶס בַּאהַאנְדְלֶען בִּיז פִיר אוּן צְוַואנְצִיג שָׁעָה. אֹויבּ מֶען לֵייגְט נִישְׁט צוּרִיק דִי צֶעבְּרָאכֶענֶע צָאן אִין דִי עֶרְשְׁטֶע פִיר אוּן צְוַואנְצִיג שָׁעָה אִיז... פַארְפַאלְן.

אָבֶּער דִי נָאז... זִי אִיז אֹויךְ צֶעבְּרָאכְן אוּן פַארְשַׁאפְט וֵוייטָאגְן. מֶען מוּז עֶס פְרִיאֶער בַּאהַאנְדְלֶען.

דִי עֶרְשְׁטֶע פִיר אוּן צְוַואנְצִיג שָׁעָה אִיז אַרִיבֶּער בְּלוֹיז פוּן צוּ אוּנְטֶערְזוּכְן דִי נָאז אוּן פְּלַאנִירְן אַ בַּאהַאנְדְלוּנְג. נָאר דֶערְנָאךְ, נָאכְן עֶס בַּאנְדַאזְשִׁירְן, הָאט דֶער דָאקְטֶער גֶעהַאט דִי מֶעגְלִיכְקַייט צוּ בַּאטְרַאכְטְן דֶעם צָאן, זֶען וָואס אִיז גֶעשֶׁעדִיגְט אוּן זִיךְ אָנְגֶערוּפְן: "סַיי וִוי סַיי אִיז שֹׁוין אַרִיבֶּער דִי קְרִיטִישֶׁע פִיר אוּן צְוַואנְצִיג שָׁעָה. דֶער צָאן קֶען מֶען שֹׁוין נִישְׁט צוּקְלֶעבְּן אַזֹוי וִוי עֶס אִיז. מֶען וֶועט שֹׁוין מוּזְן גֵיין אֹויף אַ קָאמְפְּלֶעצִירְטֶע בַּאהַאנְדְלוּנְג. לָאז דָאס קִינְד רוּעֶן אוּן דֶערְנָאךְ וֶועט מֶען בַּאהַאנְדְלֶען דִי מוֹיל."

אַרִיבֶּער אַ וָואךְ אוּן דִי נָאז הָאט גֶעמַאכְט פְּרָאבְּלֶעמֶען, מֶען הָאט גֶעמוּזְט אָפֶּערִירְן, אַזֹוי אַז דֶער צָאן אִיז אָפְּגֶעשְׁטוּפְּט גֶעוָוארְן מִיט נָאךְ אַ וָואךְ בִּיז מַיין שְׁוֶועסְטֶער וֶועט זִיךְ צוּרִיקְכַאפְּן פוּן דִי אָפֶּערַאצְיֶע.

נָאךְ צְוֵויי גַאנְצֶע וָואכְן אִיז מֶען עֶנְדְלִיךְ אָנְגֶעקוּמֶען צוּם צֵיין דָאקְטֶער וֶועלְכֶער הָאט בַּאטְרַאכְט דֶעם צָאן אוּן גֶעשְׁטֹוינְט.

"אִיר הָאט דָא גֶעהַאט נִיסִים!" אִיז עֶר גֶעוֶוען בַּאגַייזְטֶערְט. "וֶוען מֶען וָואלְט צוּרִיק גֶעלֵייגְט דָאס שְׁטִיקְל צָאן אֹויפְן אָרְט דִי עֶרְשְׁטֶע פִיר אוּן צְוַואנְצִיג שָׁעָה וָואלְט מֶען עֶס יֶעצְט גֶעמוּזְט אַרֹויסְנֶעמֶען! זֶעט!" הָאט עֶר גֶעוִויזְן מִיט עֶקְסְטַאז. "דִי וָוארְצְלֶען פוּנֶעם צָאן זֶענֶען גֶעשֶׁעדִיגְט גֶעוָוארְן בַּיים פַאלְן. אָבֶּער וַוייל צְוֵויי וָואכְן אִיז עֶס גֶעבְּלִיבְּן אָפְן, אוּמְבַּארִירְט, הָאבְּן זִיךְ דִי וָוארְצְלֶען אֹויסְגֶעהֵיילְט אוּן מֶען דַארְף זֵיי נִישְׁט אַרֹויסְנֶעמֶען. נָאר פַארְרֶעכְטְן דֶעם צָאן!"

מִיר הָאבְּן גֶעפִילְט וִוי אֲפִילוּ וֶוען עֶס זֶעט אֹויס אַזֹוי בִּיטֶער שְׁלֶעכְט אִיז עֶס נָאר... פַאר אוּנְזֶער וֹואילְזַיין.

תּוֹרָה מַגְנָא וּמַצְלָא

אַבְרָהָמִי פוּן בֵּית שֶׁמֶשׁ דֶערְצֵיילְט:

אֵיין טָאג בִּין אִיךְ גֶעפָארְן מִיט אַ גְרוּפֶּע חֲבֵרִים אֹויפְן בָּאס, אוּן גֶע'חַזְר'ט פוּן אֹויסְנְוֵויינִיג גְּמָרוֹת. עֶס אִיז גֶעוֶוען מַמָּשׁ אַ רִיתְחָא דְּאוֹרַיְתָא. אַ פַייעֶר אַרוּם אוּנְזֶער אָרְט.

פְּלוּצְלוּנְג הָאט דֶער בָּאס גֶעגֶעבְּן אַזַא שְׁטַארְקֶע שָׁאקְל. מִיר הָאבְּן זִיךְ אֹויפְגֶעוֶועקְט פוּן אוּנְזֶער לֶערְנֶען אוּן גֶעוואֹויר גֶעוָוארְן אַז עֶס אִיז כִּמְעַט גֶעשֶׁען אַן עֶרְנְסְטֶע עֶקְסִידֶענְט. מִיר הָאבְּן גֶעפִילְט וִוי דִי תּוֹרָה הָאט אוּנְז אָפְּגֶעהִיטְן.