Skip to content
דעם רבי'נס ליכט - אידיש

מיין מעשה'לע - געפלויגן פון רבי'ן צום ברית

  • Sukkos
  • 5787
  • Yiddish
View printout

פַאר אַ יְשׁוּעָה. טָאג אוּן נַאכְט הָאט מַיין עֶלְטֶערְן גֶעדַאוְונְט אוּן מִתְפַּלֵּל גֶעוֶוען מִיט תְּמִימוּת וּפְשִׁיטוּת אוֹיף אַ גַאנְגֶע יְשׁוּעָה.

מיין שְׁוָואגֶער אִיז שׁוֹין גֶעוֶוען חֲתוּנָה גֶעהַאט פַאר אַפָּאר יָאר אוּן אִיז נָאכְנִישְׁט גֶעהָאלְפְן גֶעוָוארְן מִיט קִינְדֶער. מִיר הָאבְּן אַסַאךְ מִתְפַּלֵּל גֶעוֶוען אוּן גֶעבֶּעטְן בַּיים אוֹיבֶּערְשְׁטְן אַז מַיין שְׁוָואגֶער און שְׁוֶועסְטֶער זָאלְן שׁוֹין זוֹכֶה זַיין צוּ זֶרַע-שֶׁל-קַיָּמָא. מַיינֶע עֶלְטֶערְן פְלֶעגְן שְׁטֶענְדִיג מִתְפַּלֵּל זַיין אַז דֶער אוֹיבֶּערְשְׁטֶער זָאל זֵיי שֶׁענְקֶען אַ מַתְנַת חִנָּם וַוייל זֵיי הָאבְּן נִישְׁט דִי כּוֹחוֹת צוּ אָנְוֶוענְדְן סְגוּלוֹת אוּן פְּעָלוֹת צוּ אַזוֹי הָאבְּן מִיר גֶעדַאוְונְט אוּן זִיךְ מְחַזֵק גֶעוֶוען אַ יָאר נָאךְ אַ יָאר. עֶנְדְלִיךְ, נָאךְ כִּמְעַט דֶען יָאר פוּן תְּפִלּוֹת אוּן בַּקָּשׁוֹת זֶענֶען זֵיי גֶעהָאלְפְן גֶעוָוארְן מִיט אַ בֶּן-זָכָר! וֶוער עֶס הָאט נָאר גֶעהֶערְט פוּן דִי גוּטֶע בְּשׂוֹרָה אִיז גֶעוֶוען גָאר פְרֵיילִיךְ.

דִי בְּרִית הָאט גֶעדַארְפְט פָּארְקוּמֶען צוֹם גְדַלְיָ'. דֶער טַאטֶע פוּן דֶעם רַךְ-הַנִּמּוֹל אִיז גֶעוֶוען אִין אוּמַאן אויף ראשׁ הַשָּׁנָה. לוֹיטְן' פְּלַאן הָאט עֶר שׁוֹין גֶעדַארְפְט זַיין צוּרִיק נָאכְמִיטָאג, גֶענוּג צַייט פַאר דִי שְׁקִיעָה. קִינְד אוּן קֵייט זֶענֶען אֵיינְגֶעשְׁפַּאנְט גֶעוֶוען צוּ אֵיינְרֵייסְן תְּפִלּוֹת אַז דֶער וֶועג צוּם לוּפְטְפֶעלְךְ זָאל זִיךְ נִישְׁט אֶפְהַאלְטְן בַּיים גְרֶענִיץ אָדֶער אִין טְרָאפִיק. בַּיים צִיּוּן זֶענֶען אִינְגֶעלַייט, מִשְׁפָּחָה אוּן חֲבֵרִים גֶעזֶעסְן אוּן גֶעדַאוְונְט אַז דֶער טַאטֶע זָאל אָנְקוּמֶען בְּשָׁלוֹם צוּם בְּרִית.

עֶנְדְלִיךְ, נָאךְ אַן אָנְגֶעצוֹיגֶענֶע רַייזֶע הָאט מֶען דֶערְגְרַייכְט דֶעם לוּפְטְפֶעלְד פּוּנְקְט אִין צַייט צוּ קֶענֶען אוֹיפְשְׁטֵייגְן. אָבֶּער דָא אִיז פָארְגֶעקוּמֶען אַ פְרִישָׁע מְנִיעָה; דֶער פְלִיגֶער אִיז אֶפְגֶעשְׁטוּפְט גֶעוָוארְן אוֹיף עֶטְלִיכֶע שָׁעָה!

עֶנְדְלִיךְ, נָאךְ עֶטְלִיכֶע אֶנְגֶעצוֹיגֶענֶע שֶׁעָהֶן, הָאט זִיךְ דֶער פְלִיגֶער גֶעהוֹיבְּן אִין אַ מַזָלְדִיגֶע שָׁעָה.

אִינְדֶערְהֵיים הָאבְּן דִי עֶזְרַת נָשִׁים גֶעזֶען אַז דֶער זֵייגֶער רוּקְט זִיךְ פָארְאוֹיס אָן קֵיין רַחֲמָנוּת אוּן בְּדֶרֶךְ הַטֶבַע וֶועט דֶער טַאטֶע שׁוֹין נִישְׁט אָנְקוּמֶען קֵיין יְרוּשָׁלַיִם אִין צַייט פַאר דֶער שְׁקִיעָה. זֵיי זֶענֶען אוֹיפְגֶעקוּמֶען מִיט אַ פְּלַאן צוּ אַרוֹיסְטְרָאגְן דֶעם בְּרִית אִין לוּפְטְפֶעלְךְ. דֶער מוֹהֵל הָאט מַסְכִים גֶעוֶוען.

מֶען הָאט בַּאשְׁטֶעלְט אַ טֶענְדֶער פַאר אַלֶע מִשְׁפָּחָה מִיטְגְלִידֶער אוּן דִי קִימְפֶעטָארִין מִיט מַיין מַאמֶע זֶענֶען גֶעפָארְן מִיט אַ קאר.

6:15 דֶער הָאט פְלִיגֶער גֶעלַאנְדֶעט; 6:45 אִיז גֶעוֶוען דִי שְׁקִיעָה. מַיין שְׁוָואגֶער הָאט אִיבֶּערְגֶעלָאזְט זַיינֶע דֶענְצְלֶעך מִיט אֵיינֶעם צוּ הִיטְן אוּן עֶר אִיז גֶעלָאפְן צוּם חַבַּ"ד שְׁטִיבְּל אִין עֶירְפָּארְט וואוּ אַלֶעס אִיז שׁוֹין גֶעוֶוען גְרֵייט צוּם בְּרִית.

אַצִינְד הָאט מֶען גֶעדַארְפְט טוֹישְׁן תְּפִלּוֹת. מֶען הָאט אָנְגֶעהוֹיבּן צוּ מִתְפַּלֵּל זַיין אַז דֶער פְלִיגֶער זָאל זִיךְ הֵייבְּן בַּאצַייטְנְס אָן קֵיין אָפְּהַאלְט. דֶער זֵייגֶער הָאט זִיךְ גֶערוּקְט זֵייעֶר פַאמֶעלִיךְ וֶוען מיין שְׁוָואגֶער זִיצְט אוֹיף שְׁפִּילְקֶעס. הַיינְט דָארְף פָארְקוּמֶען דִי בְּרִית פוּן זַיין קִינְד אוּן עֶר אִיז דָא פוּנְדֶערְוַוייטְנְס. בָּרוּךְ הַשֵׁם נָאר אוֹיף גוּטֶע סְבּוֹת אַז עֶר הָאט זוֹכֶה גֶעוֶוען צוּ זַיין בַּיים רֶבִּין אוֹיף רֹאשׁ הַשָּׁנָה, וָואס עֶר וָואלְט נִישְׁט פַארְפַּאסְט פַאר קֵיין גָאלְד.

דֶער מִנְיָן אִיז בַּאשְׁטַאנֶען פוּן אַ קִבּוּץ גָּלְיּוֹת פוּן חַבַּדְ צְקֶער, לִיטְוִוישֶׁע, סְפַרְדִים, בָּרוּךְ הַשֵׁם אַלֶעס פַיינֶע אִידְן...

סְ אִיז גֶעוֶוען אַ דֶערְהוֹיבֶּענֶע שִׂמְחָה, יֶעדֶער הָאט גֶעגָאסְן טְרֶערְן. מִיר הָאבְּן זִיךְ נִישְׁט גֶעקֶענְט גְלֵייבְּן אַז סְ'אִיז נִישְׁט קֵיין חָלוֹם, מַיין שְׁוָואגֶער אִיז גֶעוֶוען בַּיים בְּרִית פוּן זַיין אֵייגְן קִינְד.

More in this printout

View the whole printout