Skip to content
פניני חלקינו בתורתיך - אידיש

די אתרוגים פון חדרה

  • Sukkos
  • 5787
  • Yiddish
View printout

מיט צענדליגער יארן צוריק זענען געווען פארשפרייט אתרוגים פון חדרה, באקאנט אלס "אתרוגי אורדיינג". גדולי ישראל האבן זיך דעמאלט פארטיפט אין דעם ענין, צי מען קען מיט די אתרוגים יוצא זיין מצוות אתרוג.

אין אנהויב האט מען זיי גע'אסר'ט, ווייל עס איז נישט געווען קיין קלארע מסורה אויף זייער כשרות. שפעטער האט הגאון רבי פנחס עפשטיין זצ"ל, צוזאמען מיט זיינע חברי בית דין, הגאון רבי דוד יונגרייז זצ"ל און הגאון רבי ישראל יצחק רייזמן זצ"ל, זיי מתיר געווען לברכה. זיי האבן מברר געווען, אז די אתרוגים זענען בחזקת בלתי מורכבים, מיט א מסורה אז עס איז נישטא קיין חשש הרכבה. אויף סמך דעם בירור האט די עדה החרדית געגעבן אן הכשר אויף זיי.

הרב יצחק שעכטער האט אמאל געפרעגט דעם חזון איש אויב די סארט אתרוגים זענען כשר מען זאל מאכן דערויף די ברכת אתרוג, האט ער געענטפערט בדרך צחות "עס איז כשר צו מאכן דערויף א ברכת בורא פרי העץ".

(עובדות והנהגות, במדורים על החזון איש ועל הגאון רבי פנחס עפשטיין; וראה תשובות והנהגות ח"א סי' שפא)

More in this printout

View the whole printout