יִשְׂרָאֵל מְנַחֵם לַייפֶער פוּן בֵּית שֶׁמֶשׁ דֶערְצֵיילְט:
מַיין מַאמֶע הָאט מִיר גֶעבֶּעטְן אֶפְצוּשִׁיקְן עֶטֶעס צוּ אַ פַאמִילְיֶע וָואס וואוֹינְט אַבִּיסְל וַוייט פון אוּנְז, אוֹיף ר' יְהוֹשָׁעַ גַאס. אִיךְ בִּין גֶעגַאנְגֶען מִיט מַיין בְּרוּדֶער אוּן אוֹיפְן וֶועג צוּרִיק הָאבְּן מִיר בַּאשְׁטִימְט אַז אֵייגְנְטְלִיךְ דַארְף זַיין אַ דוּרְכְגַאנְג וָואס קֶען פַארְקִירְצְן אוּנְזֶער וֶועג. "לָאמִיר גִיין פוּן דָארְט" הָאבּ אִיךְ בַּאשְׁטִימְט אוּן אֶנְגֶעפַאנְגֶען שְׁפַאנֶען צוּם רִיכְטוּנְג.
"אִיךְ הָאבּ נִישְׁט קֵיין כֹּחַ," הָאט מִיין בְּרוּדֶער גֶעמָאלְדְן. "קוּק וָואסְפָארָא שִׁיפֶע בַארְג מִיר וֶועלְן יֶעצְט דַארְפָן אַרוֹיפְגִיין נָאר צוּלִיבּ צוּ פַארְקִירְצְן דִי וֶועג."
אִיךְ הָאבּ צוּגֶעשְׁטִימְט. דֶער דוּרְכְגַאנְג אִיז טַאקֶע אַ שְׁוֶוערֶע. סְ אִיז בֶּעסֶער צוּ גִיין אַבִּיסְל לֶענְגֶער אוּן זִיךְ נִישְׁט אַזוֹי אוֹיסְמוּטְשֶׁען.
אַזוֹי גֵייעֶנְדִיג פוּן לַאנְגְן וֶועג טְרֶעפְן מִיר אָן אַ בַּאקַאנְטֶער אִינְגְל וָואס שְׁטֵייט נָאנְט צוּ זַיין בַּר מִצְוָה "אָה! אִיךְ גְלֵייבּ נִישְׁט אַז אִיךְ טְרֶעף עֶנְק!" הָאט עֶר אוּנְז אוֹיפְגֶענוּמֶען אִיבֶּערָאשְׁט. "אַזָא הַשְׁגָּחָה פְּרָטִית!" הָאט עֶר אוּנְז בַּאוואוּנְדֶערְט.
"פוּנְקְט טֵייל אִיךְ יֶעצְט אַיינְלַאדוּנְגֶען צוּ מַיין בַּר מִצְוָה אוּן אִיךְ הָאבּ נִישְׁט גֶעטְרָאפְן עֶנְקֶער פָּאסְט קֶעסְטְל. דָא הָאט אִיר דִי הַזְמָנָה אוּן זֵייט וִויסְן אַז אִיר זֶענְט פְּרִיוָואט גֶעלַאדְנְט צוּ מַיין שִׂמְחָה."
דֶער אִינְגְל אִיז גֶעוֶוען אַזוֹי פְרֵיילִיךְ פוּן דִי הַשְׁגָּחָה פְּרָטִית אוּנְז פּוּנְקְט אָנְצוּטְרֶעפְן. עֶר וִוייסְט נִיטְאַמָאל וָואסְפָארָא דָאפְלְטֶע הַשְׁגָּחָה פְּרָטִית הָאט זִיךְ דָא אָפְגֶעשְׁפִילְט. מִיר הָאבְּן דָאךְ שׁוֹין אָנְגֶעפַאנְגֶען גֵיין אַ צְוִוייטְן וֶועג אוּן זִיךְ צוּרִיקְגֶעדְרֵייט נָאר כְּדֵי עֶר זָאל אוּנְז אָנְטְרֶעפְן.