Skip to content
השגחה פרטית

אין זעקל אויפן באס

  • Bereishis
  • 5787
  • Yiddish
View printout

אַהֲרן פוּן יְרוּשָׁלַיִם דֶערְצֵיילְט:

מַיין גְרוֹיסֶער בְּרוּדֶער בִּינְדְט אַיין זֵייעֶר שֵׁיין סְפָרִים. אֵיין טָאג הָאט אַ חַבֶר אָפְגֶערֶערְט מִיט אִים אַז עֶר גִייט בְּרֶענְגֶען צְוֵויי גְּמָרוֹת עֶר זָאל זֵיי בִּינְדְן אַזוֹי אַז עֶס זָאל זִיךְ הַאלְטְן גוט אוּן גַאנְץ.

יֶענֶער חַבֶר הָאט גֶעדַארְפְט גֶעמֶען דִי בָּאס בִּיז אוּנְזֶער הוֹיז אוּן אוֹיפְן וֶועג הָאט עֶר בְּטָעוּוּת אִיבֶּערְגֶעלָאזְט דִי סְפָרִים אוֹיפְן זִיץ אוּן אַרָאפּ. וֶוען עֶר הָאט זִיךְ גֶעכַאפְט אַז עֶר אִיז אִין גַאס מִיט לֵיידִיגֶע הֶענְט אִיז שׁוֹין דֶער בָּאס נִישְׁט גֶעוֶוען בַּיי דִי סְטַאנְצְיֶע.

אוֹיף מָארְגְן אִין חֵדֶר הָאט עֶר דֶערְצֵיילְט זַיינֶע חֲבֵרִים אִיבֶּערְן פַארְלוּסְט. "צְוֵויי גְּמָרוֹת הָאבּ אִיךְ פַארְגֶעסְן אוֹיפְן בָּאס. רַיין! ניי! פַארְפַאקְט אִין אַ וַוייס גָאלְדֶענֶע זֶעקְל!"

מִיטָאג צַייט אִיז אַ חַבֶר גֶעפָארְן אוֹיפְ'ן בָּאס אוּן פְּלוּצְלוּנְג לַאפְט זַיין אוֹיג אוֹיף אַ וַוייס גָאלְדֶענֶע זֶעקְל. עֶר הָאט זִיךְ דֶערְמַאנְט אִינֶעם שִׁילְדֶערוּנְג פוּן זַיין חַבֶר אִינְדֶערְפְרִי. עֶר הָאט גֶעעֶפְנְט דָאס זֶעקְל אוּן גֶעטְרָאפְן... צְוֵויי גְּמָרוֹת.

"עֶס דַארְף דָאךְ אָנְקוּמֶען צוּ מַיין חַבֶרְ'ס הוֹיז עֶר זָאל עֶס בִּינְדְן" הָאט עֶר גֶעקְלֶערְט. "אִיךְ וַוייס אֲפִילוּ צוּ וֶועמֶען עֶס דַארְף אָנְקוּמֶען אוּן פּוּנְקְט צוּ יֶענֶעם גֶעגֶענְט פָאר אִיךְ יֶעצְט!"

אַזוֹי זֶענֶען דִי גְּמָרוֹת אָנְגֶעקוּמֶען צוּ מַיין בְּרוּדֶער אוּן פַארְשְׁפָּארְט מִיט דֶעם אוֹיבֶּערְשְׁטְנְ'ס וִוילְן אוּן הַשְׁגָּחָה פְּרָטִית פִיל צַעַר אוּן עַגְמַת נֶפֶשׁ.

More in this printout

View the whole printout