הפטרה לפרשת כי תבוא

הפטרה לפרשת כי תבוא בישעיה פרק ס

ס א קְוּמִי אָוֹרִי כִּי בָא אוֹרֵךְ וּכְבְוֹד יְהוָה עָלַיִךְ זֶרַח: ב כִּי־הִנֵּה הַחֹשֶׁךְ יְכַסֶה־אֶרֶץ וַעֲרָפֶל לְאִמִּים וְעָלַיִךְ יִזְרַח יְהוָה וּכְבוֹדוֹ עָלַיִךְ יֵרָאֶה: ג וְהָלְכוּ גוֹיִם לְאוֹרֶךְ וּמְלָכִים לְנָגַהּ זַרְחֵךְ: ד שְׂאִי סָבִיב עֵינַיִךְ וּרְאִי כָּלֶם נִקְבְּצוּ בָאוּ לֶךְ בָּנַיִךְ מֵרָחוֹק יָבֹאוּ וּבְנֹתָיִךְ עַל־צַד תֵּאָמַנָה: ה אָז תִּרְאִי וְנָהַרְתְּ וּפָחַד וְרָחַב לְבָבֵךְ כִּי־יִהְפֵךְ עָלַיִךְ הֲמָוֹן יָם חֵיל גּוֹיִם יָבֹאוּ לֶךְ: וּ שִׁפְעַת גְּמַלִים תְּכַסֵּךְ בִּכְרֵי מִדְיָן וְעֵיפָה כְּלָּם מִשְׁבָא יָבֹאוּ זָהָב וּלְבוֹנָה יִשָּׂאוּ וּתְהִלּוֹת יְהוָה יְבַשֵׂרוּ: ז כָּל־צָאן קֵדָר יִקָּבְצוּ לֶךְ אֵילֵי נְבָיוֹת יְשָׁרְתָוּנֶךְ יַעֲלָוּ עַל־רָצוֹן מִזְבְּחִי וּבֵית תִּפְאַרְתִּי אֲפָאֵר: ח מִי־אֵלֶּה כָּעָב תְּעוּפִינָה וְכַיּוֹנִים אֶל־אֲרְבְּתֵיהֶם: ט כִּי־לִי | אִיִּים יְקַוּוּ וֶאֱנִיּוֹת תַּרְשִׁישׁ בָּרָאשׁוֹנָה לְהָבִיא בָנַיִךְ מֵרָחוֹק כַּסְפָּם וּזְהָכֶם אִתֶּם לְשֵׁם יְהוָה אֱלֹהַיִךְ וְלִקְדוֹשׁ יִשְׂרָאֵל כִּי פַאֲרֶךְ: י וּבָנָוּ בְנֵי־נֵכָר חְוֹמֹתַיִךְ וּמַלְכֵיהֶם יְשָׁרְתָוּנֶךְ כִּי בְקִצְפִי הִבִּיתִיךְ וּבִרְצוֹנֵי רְחַמְתִּיךְ: יא וּפְתְּחוּ שְׁעָרֵיִךְ תָּמִיד יוֹמָם וְלֵיְלָה לֹא יִפָּנֵרוּ לְהָבִיא אֵלַיִךְ חֵיל גּוֹיִם וּמַלְכֵיהֶם נְהוּגִים: יב כִּי־הַגּוֹי וְהַמַּמְלָכָה אֲשֶׁר לֹא־יַעֲבְדוּךְ יֹאבֵדוּ וְהַגּוֹיִם חָרָב יִחַרְבוּ: יג כְּבָוֹד הַלְבָנוֹן אֵלַיִךְ יָבוֹא בְּרָוֹשׁ תִּדְהָר וּתְאַשְׁוּר יַחְדָּו לְפָאֵר מְקוֹם מִקְדָּשִׁי וּמְקוֹם רַגְלֵי אֲכַבֵּד: יד וְהָלְכוּ אֵלַיִךְ שְׁחֹוֹחַ בְּנֵי מְעַנַיִךְ וְהִשְׁתַּחֲוּוּ עַל־כַּפּוֹת רַגְלַיִךְ כָּל־מְנַאֲצֵיִךְ וְקָרְאוּ לָךְ עִיר יְהוָה צִיּוֹן קְדוֹשׁ יִשְׂרָאֵל: טו תַּחַת הֱיוֹתֵךְ עֲזוּבָה וּשְׂנוּאָה וְאֵין עוֹבֵר וְשַׁמְתִּיךְ לִגְאוֹן עוֹלָם מְשׂוֹשׂ דּוֹר וָדוֹר: טז וְיָנַקְתְּ חֲלֵב גּוֹיִם וְשָׁד מְלָכִים תִּינְקֵי וְיָדַעַתְּ כִּי־אֲנִי יְהוָה מְוֹשִׁיעֵךְ וְגְאֲלֶךְ אֲבִיר יַעֲקֹב: יז תַּחַת הַנְּחֹשֶׁת אָבִיא זָהָב וְתַחַת הַבַּרְזֶל אָבִיא כֶסֶף וְתַחַת הָעֵצִים נְחֹשֶׁת וְתַחַת הָאֲבָנִים בַּרְזֶל וְשַׁמְתִּי פְקְדָּתֵךְ שָׁלוֹם וְנְגְשָׂיִךְ צְדָקָה: יח לֹא־יִשָּׁמַע עֶוֹד חָמָס בְּאַרְצֵךְ שָׂר וְשֶׁבֶר בִּגְבוּלָיִךְ וְקָרָאת יְשׁוּעָה חָוֹמֹתַיִךְ וּשְׁעָרֵיִךְ תְּהִלָּה: יט לֹא־יִהְיֶה־לָּךְ עֶוֹד הַשֶׁמֶשׁ לְאוֹר יוֹמָם וּלְנֹגַהּ הַיָּרֵחַ לֹא־יָאִיר לֶךְ וְהָיָה לֶךְ יְהוָה לְאוֹר עוֹלָם וֵאלֹהֵיִךְ לְתִפְאַרְתֵּךְ: כ לֹא־יָבוֹא עוֹד שִׁמְשֵׁךְ וִירֵחֵךְ לֹא יֵאֶסֵף כִּי יְהוָה יִהְיֶה־לָּךְ לְאוֹר עוֹלָם וְשָׁלְמָוּ יְמֵי אֶבְלֶךְ: כא וְעַמִּךְ כְּלֶם צַדִּיקִים לְעוֹלָם יִירְשׁוּ אֶרֶץ נֶצֶר מַטְעֵי מַעֲשֵׂה יָדֵי לְהִתְפָּאֵר: כב הַקָּטן יִהְיֶה לָאֶלֶף וְהַצְעִיר לְגוֹי עָצוּם אֲנִי יְהוָה בְּעִתָּהּ אֲחִישֶׁנָּה: