הָרַב גְּדַלְיָ' אִיזְבִּי, מְלַמֵּד אִין ת"ת גוּר לָאנְדָאן דֶערְצֵיילְט:
שְׁפֶּעט בַּיינַאכְט, אוֹיף אַ פַארְשְׁטוּפְּטְן פִינְסְטֶערְן הַייְווֹעי אִין שִׁיקַאגָא...
סְ'אִיז מַמָּשׁ אַ פַּחַד צו דְרֵייוְון אַזוֹי, אִין אַזֶעלְכֶע שְׁוֶוערֶע אוּמְשְׁטֶענְדְן וֶוען קוֹים וָואס מְ'זֶעט עֶפֶּעס אוּן נָאךְ דֶערְצוּ אוֹיף אַזֶעלְכֶע גְלִיטְשִׁיגֶע וֶועגְן...
אִיךְ וֶועל זָאגְן תְּפִילַּת הַדֶּרֶךְ אוּן פָארְן זֵייעֶר פָארְזִיכְטִיג...
פְּלוּצְלִינְג...
וָואס אִיז דָאס?! סְטַאפּ!!! שְׁטֶעל דִיך אָפּ!!!
בָּרוּךְ הַשֶׁם! אִיךְ בִּין גֶערַאטֶעוֶועט גֶעוָוארְן פוּן דִי עֶקְסִידֶענְט! אִיך מוּז גְלַייךְ אַרוֹיסְגֵיין פוּן דִי קַאר, סְ'קֶען נָאךְ חָלִילָה אוֹיפְפְלַאקֶערְן!!!
מַיין טֶעלֶעפָאן אִיז גֶעבְּלִיבְּן אִין קַאר, אוּן אִיךְ הָאבּ נִישְׁט קֵיין שׁוּם וֶועג וִוי צוּ רוּפְן פַאר הִילְף...
נָאךְ אַ פֶערְטְל שָׁעָה
דוּ אוּמְ'אַחֲרַיוּת'דִיגֶער אִיד, דוּ הָאסְט חָרוּב גֶעמַאכְט אוּנְזֶער לוּקְסוּסְרִיעֶזְן קַאר!
וֶועגְן דַיין וִוילְדֶע דְרַייוְון זֶענֶען מִיר אַרַיינְגֶעפְלוֹיגְן אִין דִי זַייט פוּנֶעם גַאס, מִיר וָואלְטְן אַלֶע גֶעקֶענְט גֶע'הַרְגֶ'עט וֶוערְן!
אִיךְ רוּף שׁוֹין דִי פָּאלִיצֵיי...
וֶוער וֵוייסְט וָואס סְ'אִיז גֶעשֶׁען מִיט דִי קַאר וָואס הָאט גֶעמַאכְט דִי עֶקְסִידֶענְט אוּן דֶערְנָאךְ גֶעפְלוֹיגְן אִין זַייט. צוּלִיבּ דִי פִינְסְטֶערְנִישׁ אוּן גֶעדִיכְטֶע נֶעפְּל קֶען אִיךְ אֲפִילוּ נִישְׁט זֶען וָואס דָארְט טוּט זִיךְ...
וָואס, זֵיי בַּאשׁוּלְדִיגְן מִיר אִין דִי עֶקְסִידֶענְט וָואס זֵיי הָאבְּן אָנְגֶעדְרֵייט?!