בְּעֶזְרַת ה' יִתְבָּרַךְ - עֶרֶב שַׁבָּת קוֹדֶשׁ פַּרְשַׁת הַאֲזִינוּ – שַׁבָּת תְּשׁוּבָה, ז' תִּשְׁרֵי, שְׁנַת תשפ"ז לִפְרָט קָטָן
מָרַת ... תִּחְיֶ', מֶעקְרִיטֶערִי בֵּית פִינָא קִרְיַת בְּרֶסְלֶב
אִיךְ פְרֵיי זִיךְ זֵייעֶר אַז אִיר זֶענְט גֶעקוּמֶען אַרְבֶּעטְן אִין אוּנְזֶער סְקוּל בֵּית פִינָא, אִיר זֶענְט גֶעוָוארְן דִי מֶעקְרִיטֶערִי אִין סְקוּל; שׁוֹין אַלֶע יָארְן וָואס אִיר הֶעלְפְט דִי קְהִלָה מִיט דִי חֲתוּנָה מַאכְן אִין יְשִׁיבָה אוּן מִיט דִי קִימְטֶעטָארִין הֵיים אוּן מִיט דִי פְרוֹיעֶן פַארְאֵיין וְכוּ', אוּן יֶעצְט הָאט אִיר גֶענוּמֶען נָאךְ אַרְבֶּעט אוֹיף זִיךְ, צוּ הֶעלְפְן בֵּית פִינָא סְקוּל; וִויסְן זָאלְט אִיר אַז דִי סְקוּל אִיז מִיר זֵייעֶר חָשׁוּב אוּן זֵייעֶר צוּם הַארְץ, עֶס אִיז מִיר דִי חָשׁוּבְיסְטֶע זַאךְ אִין דִי קְהִלָה, אוּן דֶערִיבֶּער אוֹיבּ אֵיינֶער טְשֶׁעטֶעט דִי סְקוּל – נֶעם אִיךְ דָאס זֵייעֶר פֶּערְזֶענְלִיךְ, מֶער וִוי אַלֶע אַנְדֶערֶע זַאכְן אִין דִי קְהִלָה, אוּן מִידָה טוֹבָה מְרוּבָּה, וֶוער עֶס הֶעלְפְט דִי סְקוּל בֵּית פִינָא – בִּין אִיךְ זֵייעֶר מַכִּיר טוֹבָה.
אִיךְ בִּין זֵייעֶר צוּפְרִידְן אַז אִיר הָאט אַרָאפְּגֶענוּמֶען אַלֶע מֶטֶעכְנִישֶׁע זַאכְן פוּן דִי מְנַהֶלֶת, אַז זִי זָאל הָאבְּן צַייט צוּ דֶעדְן צוּ דִי עֶלְטֶערְן אוּן צוּ דִי טִיטְשֶׁערְס, וַוייל דִי לֶעצְטֶע פָּאר יָאר אִיז גֶעפַאלְן אַלֶע אַרְבֶּעט אוֹיף אִיר; אִיךְ פְרִיי זִיךְ זֵייעֶר אַז אִיר זֶענְט אַרַיינְגֶעקוּמֶען אִין סְקוּל אוּן אִיר הָאט אִיבֶּערְגֶענוּמֶען אַלֶע טֶעכְנִישֶׁע זַאכְן אַז דִי מְנַהֶלֶת תִּחְיֶ' זָאל הָאבְּן צַייט, קָאפּ אוּן מֹחַ – פַאר דִי תַּלְמִידוֹת אוּן פַאר דִי עֶלְטֶערְן.
רֶעדְט צוּ מָרַת ... תִּחְיֶ', אַוֶועק צוּ שְׁטֶעלְן אַ לוּחַ פַאר דִי סְקוּל פַאר דִי גַאנְגֶע יָאר, אַז עֶלְטֶערְן זָאלְן וִויסְן וֶוען עֶס וֶועט זַיין סְקוּל אוּן וֶוען נִישְׁט, וַוייל מֶען דַארְף עֶרְלֶעדִיגְן זַאכְן מִיט דִי קִינְדֶער, אַפּוֹינְטְמֶענְטְס; אַזוֹי וִוייסְט מֶען וֶוען דָאס צו טוּן.
בְּנוֹגֵעַ וָואס טִיטְשֶׁערְס הָאבְּן גֶעפְרֶעגְט, אוֹיבּ מֶען זָאל מַאכְן אַ תַּקָנָה אִין בֵּית פִינָא אַזוֹי וִוי אִין אַנְדֶערֶע סְקוּלְס, אַז אוֹיבּ אַ מֵיידְל גֵייט נִישְׁט צַייטְלִיךְ אַרַיין אִין כִּיתָּה נָאךְ הַפְסָקָה, אַז דָאס פָּאסִירְט טָאג נָאךְ טָאג – קֶען זִי נִישְׁט קוּמֶען אִין סְקוּל פַאר כַּךְ וְכַךְ טֶעג וְכוּ'; אִיךְ בִּין נִישְׁט קִקֵיין חָסִיד פוּן דֶעם, אִיךְ וִויל מֶען זָאל אַרְבֶּעטְן מִיט יֶעדֶע קִינְד עַל פִּי דַרְכּוֹ, דִי סָארְט רוּל'ס גֶעמְט אַוֶועק דִי נְשָׁמָה אוּן דִי הַארְץ פוּן דִי סְקוּל צוּ דִי קִינְדֶער; אַוַדַאי טָאר נִישְׁט זַיין הֶפְקֵירוּת, עֶס דַארְף זַיין דֶרֶךְ אֶרֶץ, אַלֶע קִינְדֶער זָאלְן זַיין נָאךְ רִיסֶעס אוּן נָאךְ לָאנְטְשׁ אִין קְלַאס צַייטְלִיךְ, אַזוֹי מוּז זַיין; מֶען דַארְף דָאס אַוֶועק שְׁטֶעלְן מִיט אַ פְּרָאגְרַאם אַז אַלֶע וָואס הַאלְטְן דִי זְמַנִים וֶועלְן בַּאלוֹינְט וֶוערְן וְכוּ' וְכוּ', נִישְׁט מִיט אַהֵיים שִׁיקְן.
בְּנוֹגֵעַ אַז קִינְדֶער זָאלְן אַרוֹיסְגֵיין פוּן סְקוּל מַאכְן אַ גְרָאסֶערִי אָרְדֶער פַאר דִי מַאמֶע; עֶס אִיז נִישְׁט גוּט מֶען זָאל לָאזְן קִינְדֶער אַרוֹיסְגֵיין פוּן סְקוּל.
בְּנוֹגֵעַ גֶעבְּן שְׁלִיסְלֶעךְ פַאר אַלֶע טִיטְשֶׁערְס פוּנֶעם בִּנְיָן, יֶעדֶער זָאל קֶענֶען קוּמֶען וֶוען מֶען וִויל; אִיךְ וִוייס נִישְׁט אוֹיבּ דָאס אִיז רִיכְטִיג, אִיךְ הָאבּ אוֹיךְ נִישְט קֵיין שְׁלִיסְל, אוּן וֶוען אִיךְ קוּם אִין בֵּית פִינָא קְלִינְג אִיךְ דִי בֶּעל, אַמָאל עֶנְטְפֶערְט מֶען גְלַייךְ אוּן אַמָאל וַוארְט אִיךְ אַפָּאר מִינוּט; אִיךְ מֵיין מֶען זָאל עֶס אַזוֹי לָזְן.
דֶער אֵיינֶערְשְׁטֶער זָאל הֶעלְפְן אִיר זָאלְט הָאבְּן הַצְלָחָה אִין אַלֶע עִנְיָנִים.
אַ גְמַר חֲתִימָה טוֹבָה.