Skip to content
עצתו אמונה - אידיש

אין שול קומט מען אנגעטון מער איידל און מער הייליג

  • Sukkos
  • 5787
  • Yiddish
View printout

בְּעֶזְרַת ה' יִתְבָּרַךְ – יוֹם ג׳ פַּרְשַׁת הַאֲזִינוּ, ד' תִּשְׁרֵי, שְׁנַת תשפ"ז לִפְרָט קָטָן

מָרַת ... תִּחְיֶי

פַארְוָואס מַאכְט אִיר אַוֶועק דִי שֵׁיינֶע זַאךְ וָואס מִיר פִירְן אַיין אִין דִי קְהִילָה אַז דִי פְרוֹיעֶן זָאלְן קוּמֶען אִין שׁוּל מִיט אַ צוּגֶעדֶעקְטֶע שֵׁייטְל ? אִיר זָאגְט אַז עֶס זֶעט אוֹיס וִוי קִינְדֶער שְׁפִּילְן מִצְוָה קִינְדֶערְלֶעךְ, מֶען שְׁפִּילְט אַ שְׁפִּיל פוּן גִיין אֵיידְל וְכוּ'.

אִיךְ וִויל פְרֶעגְן, וָואס אִיז אַזוֹי שְׁוֶוער צוּ פַארְשְׁטֵיין אַז אִין שׁוּל קוּמְט מֶען אָנְגֶעטוּן מֶער אֵיידְל אוּן מֶער הֵיילִיג; אוּן אַז מֶען קוּמְט אִינֶעם בֵּית הַשֵׁם, דֶעם אֵייגֶערְשְׁטְנְ'ס הוֹיז - דֶעקְט מֶען זִיךְ צוּ, מֶען מַאכְט זִיךְ מֶער אֵיידְל? אַזוֹי וִוי בַּיי דִי מֶענֶער שׁוּל קוּמֶען אַלֶע אֵיידְל, מֶען קוּמְט אָנְגֶעטוּן, אוּן אֲפִילוּ בְּמֶשֶׁךְ דֶעם טָאג גִייעֶן נִישְׁט אַלֶע אָנְגֶעטוּן אֵיידְל, דָאךְ קוּמֶען אַלֶע אִין שׁוּל דַאוֶוענֶען מִיט הַכְנָעָה, אִיז וָואס אִיז אַזוֹי שְׁוֶוער צוּ פַארְשְׁטֵיין אַז מֶען זָאל קוּמֶען אִין שׁוּל צוּגֶעדֶעקְט ?!

בֶּעטְס דֶעם אֵייגֶערְשְׁטְן אִיר זָאלְט לִיבּ הָאבְּן אֵיידְלְקֵייט, בֶּעטְס דֶעם אֵייגֶערְשְׁטְן אִיר זָאלְט בַּאקוּמֶען אַ טַעַם אוּן אַ גֶעפִיל צוּ אֵיידְלְקֵייט, אוּן זִיךְ פִירְן בִּצְנִיעוּת - וֶועט אִיר וֶוערְן אָפְּגֶעהִיטְן פוּן אַלֶע שְׁלֶעכְטְס, אַזוֹי וִוי דִי הֵיילִיגֶע חֲכָמִים זָאגְן (בְּרָכוֹת סב:): "צְנִיעוּת שֶׁהָיְתָה בְּךָ הִיא חָסָה עָלֶיךָ", אַז מֶען פִירְט זִיךְ אֵיידְל וֶוערְט מֶען גֶערַאטֶעוֶועט פוּן פַיינְט וָואס וִוילְן הַרְגְ'עֶנֶען; נָאךְ זָאגְן דִי הֵיילִיגֶע חֲכָמִים (תַּנְחוּמָא וַיִּשְׁלַח, ו): "בִּזְמַן שֶׁהִיא צְנוּעָה בְּתוֹךְ הַבַּיִת, כְּשֵׁם שֶׁהַמִּזְבֵּחַ מְכַפֵּר, כָּךְ הִיא מְכַפֶּרֶת עַל בֵּיתָהּ", וֶוען דִי פְרוֹי פִירְט זִיךְ אֵיידְל אוֹיךְ אִין שְׁטוּב, אִיז זִי אַזוֹי וִוי דִי מִזְבֵּחַ; אַזוֹי וִוי דֶער מִזְבֵּחַ אִיז מְכַפֶּר אוֹיף עֲבֵירוֹת, טוּט דִי פְרוֹי מְכַפֶּר זַיין אוֹיף אַלֶעס, אוּן דִי גַאנְגֶע שְׁטוּב וֶוערְט גֶערַאטֶעוֶועט.

דֶער אֵייגֶערְשְׁטֶער זָאל הֶעלְפְן אִיר זָאלְט הָאבְּן הַצְלָחָה אִין אַלֶע עִנְיָנִים.

אַ גְמַר חֲתִימָה טוֹבָה.

More in this printout

View the whole printout