אַרֵיינְגֵיין אִין כּוֹלֵל, אַבִּיסְל אוֹיף אַמָאל
בְּעֶזְרַת ה' יִתְבָּרַךְ – יוֹם ג' פַּרְשַׁת הַאֲזִינוּ, ד' תִּשְׁרֵי, שְׁנַת תשפ"ז לִפְרָט קָטָן
לְכָבוֹד ... נֵרוֹ יָאִיר, קִרְיַת בְּרֶסְלֶב
אַשְׁרֵינוּ מַה טוֹב חֶלְקֵינוּ אַז מִיר הָאבְּן זוֹכֶה גֶעוֶוען צוּ זַיין בַּיים הֵיילִיגְן רֶבִּין אִין אוּמַאן רֹאשׁ הַשָּׁנָה, מִיר הָאבְּן גֶעבְּרָאכְן אַלֶע מְנִיעוֹת; מִיר דָארְפְן זִיךְ זֵייעֶר פְרֵייעֶן, דֶער הֵיילִיגֶער רֶבִּי הָאט גֶעזָאגְט (חַרֵי מוֹהֲרַ"ן, סִימַן תג): "וֶוער עֶס אִיז גֶעוֶוען בַּיי מִיר רֹאשׁ הַשָּׁנָה דַארְף זִיךְ אַ גַאנְץ יָאר זֵייעֶר פְרֵייעֶן".
בְּנוֹגֵעַ אָפְּלָאזְן דִי אַרְבֶּעט אוּן זִיךְ אַרַיינְזֶעצְן אִין כּוֹלֵל לֶערְנֶען; נֶעם דִי כְּלַל פוּן תָּפַשְׂתָּ מְרוּבָּה לֹא תָּפַשְׂתָּ, תָּפַשְׂתָּ מִיעוּט תָּפַשְׂתָּ' (סוּכָּה ה.); פְּרוּבִּיר שְׁטַייטְלִיךְ, אַבִּיסְל אוֹיף אַמָאל, זוּנְטָאג וֶוען מֶען אַרְבֶּעט נִישְׁט אוּן אַלֶעס אִיז פַארְמַאכְט – זָאלְסְטוּ גֵיין אִין כּוֹלֵל. דֶעד צוּם רֹאשׁ הַכּוֹלֵל עֶר זָאל דִיר גֶעבְּן אַ חַבְרוּתָא, הֵייבּ אָן מִיט אַ הַאלְבֶּע טָאג, פוּן גֶען בִּין דְרַיי אַזֵייגֶער, אוּן נָאךְ אַ שְׁטִיק צַייט זָאלְסְטוּ לֶערְנֶען דֶעם גַאנְצְן סֵדֶר הַכּוֹלֵל פוּן גֶען אַזֵייגֶער אִינְדֶערְפְרִי בִּין זֶעקְס אַזֵייגֶער אָוֶוענְט, זִיבְּן שָׁעָה מִיט אַ קְלֵיינֶע הַפְסָקָה, אוּן אוֹיב עֶס וֶועט אַזוֹי אָנְהַאלְטְן אַפָּאר חֲדָשִׁים וֶועט מֶען גִיין אוֹיף נָאךְ אַ טָאג, אוּן נָאכְדֶעם אוֹיף נָאךְ אַ טָאג, אָבֶּער נִישְׁט אָנְהֵייבְּן מִיט אָפְּלָאזְן דִי אַרְבֶּעט אוּן נָאכְדֶעם וֶועט זַיין 'לֹא תָּפַשְׂתָּ', וַוייל וֶוען מֶען וִויל טוּן אַסַאךְ – טוּט מֶען גָארְנִישְׁט, אָבֶּער אַז מֶען וִוייסְט דָאס חֲשִׁיבוּת פוּן אַבִּיסְל – דֶעמָאלְט קוּמט
מֶען אָן צוּ טוּן אַסַאךְ; אַזוֹי וִוי דֶער הֵיילִיגֶער דֶבִּי נָתָן הָאט גֶעזָאגְט: "אִיךְ הָאבּ גֶעלֶערְנְט פוּן רֶבִּין אַ זֵייעֶם דֶערְהֶער, מְעַט גַּם כֵּן טוֹב', אַבִּיסְל אִיז אוֹיךְ גוט, אוּן דָאס הָאט מִיךְ גֶעמַאכְט טוּן זֵייעֶר אַסַאךְ".
דֶער אֵייגֶערְשְׁטֶער זָאל הֶעלְפְן זָאלְסְט הָאבְּן הַצְלָחָה אִין אַלֶע עִנְיָנִים.
אַ גְמַר חֲתִימָה טוֹבָה.