בְּעֶזְרַת ה' יִתְבָּרַךְ – יוֹם ג' פַּרְשַׁת הַאֲזִינוּ, ד' תִּשְׁרֵי, שְׁנַת תשפ"ז לִפְרָט קָטָן
... נֵרוֹ יָאִיר, וְזִוּגָתוֹ תִּחְיֶי
מַזָל טוֹב פַאר עֶנְקֶער חֲתוּנָה, דֶער אֵייגֶערְשְׁטֶער זָאל הֶעלְפְן עֶנְק זָאלְן אוֹיפְשְׁטֶעלְן אַ בַּיִת נֶאֱמָן בְּיִשְׂרָאֵל.
אִיךְ בִּין נִישְׁט אָנְגֶעקוּמֶען צוּ גֵיין צוּ עֶנְקֶער חֲתוּנָה, אִיךְ וִוינְטְשׁ עֶנְק אַ בְּרָכָה, דֶער אֵייגֶערְשְׁטֶער זָאל עֶנְק בֶּענְטְשְׁן מִיט גֶעזוּנְטֶע עֶרְלִיכֶע דוֹרוֹת, אָמֵן.
לְכָבוֹד דִי גְרוֹיסֶע נִיסִים וָואס דֶער אֵייגֶערְשְׁטֶער הָאט מִיט עֶנְק גֶעמַאכְט, עֶנְק הָאבְּן חֲתוּנָה גֶעהַאט אַזוֹי שִׁיין, זָאלְן עֶנְק גֶעמֶען אוֹיף זִיךְ יֶערְן טָאג פַאר צְוִויי דְרַיי מִינוּט צוּ דָאנְקֶען דֶעם אֵייגֶערְשְׁטְן. וַוייל מוֹהַרְנַ"תְּ הָאט גֶעזָאגְט: וֶוען אַ מֶענְטְשׁ קְרֶעכְצְט, עֶר דֶערְט זִיךְ אָפּ, זָאגְט מֶען אִין הִימְל אַז מֶען וֶועט אִים גֶעבְּן נָאךְ מֶער אוֹיף וָואס צוּ קְרֶעכְצְן, אוּן וֶוען אַ מֶענְטְשׁ דָאנְקְט אוּן לוֹיבְּט דֶעם אֵייגֶערְשְׁטְן, אוּן אוֹיף יֶעדֶע זַאךְ זָאגְט עֶר: "בָּרוּךְ הַשֵׁם", "גֶעלוֹיבְּט דֶער אֵייגֶערְשְׁטֶער" וְכוּ', זָאגְט מֶען אִין הִימְל: "קוּקְט דֶעם אִיד וָואס הָאט גָארְנִישְׁט, עֶר הָאט צָרוֹת וְיִסּוּרִים, אוּן דָאךְ דַאנְקְט עֶר דֶעם אֵייגֶערְשְׁטְן, לָאמִיר אִים גֶעבְּן נָאךְ גוּטְס", וַוייל דוּרְךְ דַאנְקֶען דֶעם אֵייגֶערְשְׁטְן זֶעט מֶען וואוּנְדֶערְלִיכֶע יְשׁוּעוֹת אוּן רְפוּאוֹת, מֶען זֶעט אָפֶענֶע נִיסִים.
דֶער אֵייגֶערְשְׁטֶער זָאל הֶעלְפְן עֶנְק זָאלְן הָאבְּן הַצְלָחָה אִין אַלֶע עִנְיָנִים. אַ גְמַר חֲתִימָה טוֹבָה.