Skip to content
עצתו אמונה - אידיש

דִי שְׁכִינָה רוּט וואוּ מֶען גְרוֹיסְט זִיךְ נִישְׁט אוֹיפְן צְוִוייטְן

  • Sukkos
  • 5787
  • Yiddish
View printout

בְּעֶזְרַת ה' יִתְבָּרַךְ – יוֹם ה' פַּרְשַׁת הַאֲזִינוּ, ו' תִּשְׁרֵי, שְׁנַת תשפ"ז לִפְרָט קָטָן

מָרַת ... תִּחְיֶי

אִיךְ הָאבּ גֶערֶערְט מִיט זֵייעֶר מַאן אִין אוּמַאן, אִיךְ הָאבּ אִים פָארְגֶעהַאלְטְן הֲיִתָּכֵן וְכוּ', הָאט עֶר אוֹיסְגֶעפְּלַאנְט אִין אַ גֶעוֶויין אַז עֶר וִויל זַיין גוּט אוּן עֶר הָאט שׁוֹין מְקַבֵּל גֶעוֶוען וְכוּ', אָבֶּער עֶר קֶען נִישְׁט, וַוייל אִיר זֵיילְט נִישְׁט וְכוּ' וְכוּ'; עֶר הָאט זֵייעֶר גֶעוֶויינְט, עֶר הָאט נִישְׁט גֶערֶערְט קֵיין אֵיין וָוארְט שְׁלֶעכְט אוֹיף אַייךְ, אִיךְ הָאבּ אָבֶּער פַארְשְׁטַאנֶען אַז עֶר וֶוערְט זֵייעֶר דֶערְנִידֶערְט אִין שְׁטוּבּ, עֶס קֶען זַיין אַז עֶס אִיז שֶׁלֹא בְּכַּוָונָה אָבֶּער דָאס אִיז דִי פַאקְט.

דֶער אֵייגֶערְשְׁטֶער זָאל הֶעלְפְן דִי שְׁכִינָה זָאל רוּעֶן בַּיי עֶנְק אִין שְׁטוּב, דִי שְׁכִינָה רוּט דָארְט וואוּ עֶס אִיז דָא הַכְנָעָה, דָארְט וִוי מֶען גְרוֹיסְט זִיךְ נִישְׁט אֵיינֶער אוֹיפְן צְוִוייטְן; אַז דֶער מַאן אִיז מְכַבֵּד דִי וַוייבּ, אוּן דִי וַוייבּ דֶערט מִיט הַכְנָעָה אוּן מִיט דֶרֶךְ אֶרֶץ צוּם מַאן – דָארְט רוּט דֶער אֵייגֶערְשְׁטֶער, עֶס וֶוערְט נִיסִים, אֲפִילוּ דִי טֶבַע קֶען זִיךְ טוֹישְׁן; אַזוֹי וִוי דִי הֵיילִיגֶע חֲכָמִים זָאגְן (יוּמָא כא.) אִין בֵּית הַמִּקְדָּשׁ אִיז גֶעוֶוען נִיסִים, דִי קוֹדֶשׁ הַקָּדָשִׁים הָאט נִישְׁט גֶעהַאט קֵיין פְּלַאץ צוּ הַאלְטְן דִי אָרוֹן, אוּן דָאךְ אִיז דִי אָרוֹן דָארְט גֶעלִיגְן ; דָאס אִיז בַּיי יֶעדֶע אִידִישֶׁע שְׁטוּבּ וואוּ מֶען בֵּייגְט איין דִי קָאפּ פַארְן אֵייגֶערְשְׁטְן, מֶען הָאט הַכְנָעָה - אֲנִי אֶשְׁכּוֹן אֶת דַּכָּא', רוּט דָארְט דֶער אֵייגֶערְשְׁטֶער (עַיִין סוֹטָה ה.).

אִיךְ הָאבּ נָאךְ אַסַאךְ צוּ שְׁרַייבְּן אָבֶּער אִיךְ בִּין נָאךְ אָפְּגֶעשְׁוַואכְט פוּן דִי נְסִיעָה פוּן אוּמַאן.

דֶער אֵייגֶערְשְׁטֶער זָאל הֶעלְפְן אִיר זָאלְט הָאבְּן הַצְלָחָה אִין אַלֶע עִנְיָנִים.

אַ גְמַר חֲתִימָה טוֹבָה.

More in this printout

View the whole printout