בְּעֶזְרַת ה' יִתְבָּרַךְ – עֶרֶב שַׁבָּת קוֹדֶשׁ פַּרְשַׁת הַאֲזִינוּ – שַׁבָּת תְּשׁוּבָה, ז' תִּשְׁרֵי, שְׁנַת תשפ"ז לִפְרָט קָטָן
מָרַת ... תִּחְיֶי
אִיךְ הָאבּ עֶרְהַאלְטְן אֵייעֶר בְּרִיוו.
בְּנוֹגֵעַ דִי פְּחָדִים וָואס הָאט זִיךְ אַרַיינְגֶעכַאפְּט אִין אֵייעֶר קִינְד; עֶס אִיז זֵייעֶר וִויכְטִיג אַז אִיר אַלְס מַאמֶע זָאלְט יֶערְן טָאג דֶערְדְן מִיט אִים עֶר זָאל דֶערְצֵיילְן אַלֶע מַחֲשָׁבוֹת, אַזוֹי וֶועט עֶס אִים וֶוערְן גְרִינְגֶער, בִּיז עֶס וֶועט אִינְגַאנְצְן אַרוֹיסְגֵיין פוּן אִים.
עֶס אִיז זֵייעֶר וִויכְטִיג אַז אִיר זָאלְט אוֹיסְהֶערְן זַיינֶע מַחֲשָׁבוֹת פוּן פְּחָדִים, אוּן אִים בַּארוּאִיגְן אַז דִי סָארְט מַחֲשָׁבוֹת פוּן פְּחָדִים וְכַדוֹמֶה – דָאס אִיז וָואס אַסַאךְ הָאבְּן, אוּן עֶס אִיז גָארְנִישְׁט; עֶס וֶועט אַוֶועק גִיין. וַוייל דֶער פַּחַד אַלֵיינְס אִיז אֵיין שְׁוֶוערִיקֵייט, מִיט דֶעם וָואלְט מֶען נָאךְ גֶעקֶענְט אָנְגֵיין, אָבֶּער דִי צְוִוייטֶע חֵלֶק, וָואס הֵיינְט אָן פַּיינִיגְן דֶעם מֶענְטְשׁ: וָואס אִיז מִיט מִיר גֶעשֶׁען אַז אִיךְ הָאבּ פְּחָדִים, אִיךְ בִּין נָארְמַאל? אִיךְ בִּין מְשׁוּגֶע ? וֶועל אִיךְ אֵיין טָאג וֶוערְן אִינְגַאנְצְן מְשׁוּגֶע ? אִיךְ בִּין אַ גֶערְוֶוען קְרַאנְקֶער מֶענְטְשׁ'; דִי סָארְט מַחֲשָׁבוֹת זֶענֶען זֵייעֶר שְׁרֶעקְלִיךְ, דִי מַחֲשָׁבוֹת לֵייגְט צוּגְרוּנְד דֶעם מֶענְטְשׁ, דֶערִיבֶּער אִיז זֵייעֶר וִויכְטִיג אִיר זָאלְט אִים אוֹיסְהֶערְן אוּן בַּארוּאִיגְן.
אִיךְ הָאבּ אִים אוֹיךְ גֶעזָאגְט אַז עֶר זָאל קוּמֶען צוּ מִיר אוּן דֶערְצֵיילְן אַלֶע מַחֲשָׁבוֹת פוּן פְּחָדִים וְכוּ', וַוייל דֶער הֵיילִיגֶער דֶבִּי ר' אֱלִימֶלֶךְ זְכוּתוֹ יָגֵן עָלֵינוּ זָאגְט (גֶעטִיל קָטָן, סְעִיף יג), אַז דָאס דֶערְצֵיילְן דִי שְׁלֶעכְטֶע מַחֲשָׁבוֹת (גֶערְוֶוען מַחֲשָׁבוֹת) פַאר אַ נָאנְטֶער חַבֶר - הָאט אַ סְגוּלָה אַז עֶס גִייט אַוֶועק פוּנֶעם מֶענְטְשׁ.
דֶער אֵייגֶערְשְׁטֶער זָאל הֶעלְפָן אַז אִיר מִיט אַלֶע אַייעֶרֶע קִינְדֶער זָאלְן זַיין גֶעזוּנְט אוּן שְׁטַארְק פִיזִישׁ אוּן גֵייסְטִישׁ, אוּן הָאבְּן אַ זִיסֶע יָאר מִיט אַלֶעס גוּטְס.