Skip to content
עצתו אמונה - אידיש

אָן אַ מוֹרֶה דֶּרֶךְ, בְּלָאנְזְטֶעט מֶען

  • Sukkos
  • 5787
  • Yiddish
View printout

בְּעֶזְרַת ה' יִתְבָּרַךְ – יוֹם ה' פַּרְשַׁת הַאֲזִינוּ, ו' תִּשְׁרֵי, שְׁנַת תשפ"ז לִפְרָט קָטָן

... נֵרוֹ יָאִיר

אַ גַאנְץ יוֹם טוֹב הָאבּ אִיךְ גֶעטְרַאכְט וואוּ דוּ בִּיסְט נֶעְלָם גֶעוָוארְן, אִיךְ הָאבּ גֶעוואוּסְט אַז דוּ בִּיסְט אִין אוּמַאן, וַוייל עֶרֶב יוֹם טוֹב הָאבּ אִיךְ דִיךְ גֶעזֶען, בִּין אִיךְ הָאבּ דִיךְ גֶעטְרָאפְן בַּיים אַהֵיים פָארְן אוּן דוּ זָאגְסְט מִיר אַז דוּ בִּיסְט גֶעוֶוען מִיט מִשְׁפָּחָה וְכוּ'; עֶס הָאט מִיר גֶעגֶעבְּן אַ צִיפּ אִין הַארְץ.

אַ שָׁאד אַז גַאנְץ יוֹם טוֹב רֹאשׁ הַשָּׁנָה בִּיסְטוּ נִישְׁט גֶעוֶוען מִיט אוּנְזֶער חַבּוּרָה, תַּלְמִידֵי הֵיכַל הַקוֹדֶשׁ, קוֹדֶשׁ הַקָּדָשִׁים; וָואלְסְט זִיכֶער בַּאקוּמֶען אַזוֹיפִיל חִיזוּק אוֹיף זַיין גוט, און אוֹיף וֶועלְן זַיין גוט, און אוֹיף וֶועלְן זִיךְ צוּרִיק קֶערְן צוּם אֵיינֶגֶערְשְׁטְן; יִרְאַת שָׁמַיִם הָאסְטוּ זִיכֶער נִישְׁט בַּאקוּמֶען דָארְט בַּיי זֵיינֶע קְרוֹבִים, אַ שָׁאד אַז רֹאשׁ הַשָּׁנָה זָאל אַרִיבֶּערְגֵיין מִיט לֵיצָנוּת אוּן דְבָרִים בְּטֵלִים. אִיךְ וִויל דִיר זָאגְן אַז עֶס הָאט מִיר מַמָשׁ וִויי גֶעטוּן, זַיין טַאטֶע אוּן דַיין שְׁוֶוער בֵּיידֶע זֶענֶען גֶעוֶוען בַּיי אוּנְז, אוּן זֵיי וִוילְן נָאר זֶען בַּיי דִיר נַחַת; אַ שָׁאד אַ שָׁאד.

דֶער אֵייגֶערְשְׁטֶער זָאל דִיר גֶעבְּן שֵׂכֶל, דוּ זָאלְסְט נִישְׁט מַאכְן נַארִישֶׁע זַאכְן אִין לֶעבְּן, אוּן בֶּעט דֶעם אֵייגֶערְשְׁטְן דוּ זָאלְסְט טְרֶעפְן אַ גוּטֶער אִיד וָואס זָאל דִיךְ בַּאגְלֵייטְן אוּן וַוייזְן דִי וֶועג, אוּן דוּ זָאלְסְט אִים פְרֶעגְן יֶעדֶע זַאךְ, וַוייל מֶען מוּז הָאבְּן אִין לֶעבְּן אַ מוֹרֶה דֶרֶךְ, אָן אַ מוֹרֶה דֶרֶךְ בְּלָאנְזְטֶעט מֶען, אָן אַ מוֹרֶה דֶרֶךְ אִיז נִישְׁט שַׁיָיךְ צוּ וִויסְן וָואס אִיז רִיכְטִיג אוּן וָואס נִישְׁט.

דֶער אֵייגֶערְשְׁטֶער זָאל הֶעלְפְן זָאלְסְט הָאבְּן הַצְלָחָה אִין אַלֶע עִנְיָנִים.

אַ גְמַר חֲתִימָה טוֹבָה.

More in this printout

View the whole printout