Skip to content
עצתו אמונה - אידיש

חַזֶרְ'ן אֱמוּנָה אוּן לֶעבְּן מִיט אֱמוּנָה

  • Sukkos
  • 5787
  • Yiddish
View printout

... נֵרוֹ יָאִיר, טְבֶרְיָה

אִיךְ הָאבּ עֶרְהַאלְטְן זַיין בְּרִיוו.

אִיךְ פְרֵיי זִיךְ זֵייעֶר אַז דוּ בִּיסְט זֵייעֶר נִתְעוֹרֵר גֶעוָוארְן בַּיים הֵיילִיגְן דֶבִּי'ן אוּן דוּ בִּיסְט אַהֵיים גֶעקוּמֶען פוּן אוּמַאן מִיט אַ הֵיילִיגֶע גֵייסְט, הָאסְט אַוֶועק גֶעוָוארְפְן דִי נִישְׁט גוּטֶע כֵּלִים אוּן זִיךְ גֶעקוֹיפְט כָּשֶׁרְעֶ כֵּלִים.

דֶער עִיקָר זָאלְסְטוּ זִיךְ אַרַיינְלֵייגְן אִין חַזֶרְ'ן דִי הֵיילִיגֶע אֱמוּנָה, דֶער הֵיילִיגֶער דֶבִּי זָאגְט (סֵפֶר הַמִדוֹת אוֹת אֱמוּנָה חֵלֶק א, סִימָן לֹג): "עַל יְדֵי אֱמוּנָה, הַקָּקָדוֹשׁ בָּרוּךְ הוּא יִסְלַח לְךָ עַל כָּל עֲווֹנוֹתֶיךָ", דוּרְךְ אֱמוּנָה אִיז דֶער אֵייגֶערְשְׁטֶער מוֹחֵל אוֹיף אַלֶע עֲבֵירוֹת; זָאלְסְטוּ זִיךְ אַרַיינְטוּן אִין דִי אֱמוּנָה, חַזֶר אֱמוּנָה, אוּן לֶעבּ מִיט אֱמוּנָה, אַז עֶס אִיז גָארְנִישְׁט דָא אוֹיסֶער דֶעם אֵייגֶערְשְׁטְן, אַלֶעס פִירְט דֶער אֵייגֶערְשְׁטֶער. דִי הֵיילִיגֶע חֲכָמִים זָאגְן (חוּלִין ז:): "אֵין אָדָם נוֹקֵף אֶצְבָּעוֹ מִלְמַטָה אֶלָּא אִם כֵּן מַכְרִיזִין עָלָיו מִלְמַעְלָה", אַ מֶענְטְשׁ צוּקְלֶעמְט זִיךְ נִישְׁט זַיין פִינְגֶער – אָן דֶעם וָואס מֶען זָאל אוֹיסְרוּפְן אִין הִימְל פוּן פָארְאוֹיס אַז דֶער מֶענְטְשׁ זָאל זִיךְ גֶעקְלַאפְּן זַיין פִינְגֶער; פַּרְנָסָה, קִינְדֶער, גֶעזוּנְט – אַלֶעס מַאכְט דֶער אֵייגֶערְשְׁטֶער, אַזוֹי וֶועט דִיר זַיין לֶעבְּן וֶוערְן לִיכְטִיג זִיס אוּן גֶעשְׁמַאק, וַוייל מִיט אֶמוּנָה אִיז אַזוֹי שֵׁיין אַלֶעס; וֶוען אַ מֶענְטְשׁ גֶעמְט אַרַיין אִין זִיךְ דִי אֱמוּנָה – גֵייט אִים אַלֶעס גָאר אַנְדֶערְשׁ, מֶען וִוייסְט אַז קֵיינֶער קֶען גָארְנִישְׁט טוּן, קֵיינֶער קֶען נִישְׁט שְׁלֶעכְטְס טוּן אוּן קֵיינֶער קֶען נִישְׁט גוּטְס טוּן, אַלֶעס וָואס פָּאסִירְט אִיז פוּנֶעם אֵייגֶערְשְׁטְן.

יֶענְט אִין דִי עֲשֶׂרֶת יְמֵי תְּשׁוּבָה וֶוען מִיר שְׁרַייעֶן הַמֶּלֶךְ' דַארְף מֶען פוּן פְרִישׁ חַזֶרְ'ן אֱמוּנָה אוּן לֶעבּ מִיט אֱמוּנָה; וָואס מֵיינְט אֱמוּנָה ? פָּשׁוּט גְלֵייבְּן אָן קֵיין חֲקִירוֹת אָן קֵיין חָכְמוֹת. אַזוֹי וִוי דֶער דֶבִּי זָאגְט (שִׂיחוֹת הָרַ"ן, סִימָן לֹג): "אֵצֶל הָעוֹלָם אֱמוּנָה הוּא דָּבָר קָטָן", בַּיי דִי וֶועלְט אִיז אֱמוּנָה אַ קְלֵיינִיקֵייט, "וְאֶצְלִי אֱמוּנָה הוּא דָּבָר גָּדוֹל מְאֹד", אָבֶּער בַּיי מִיר אִיז דֶער עִיקָר אֱמוּנָה, "וְעִקֵר הָאֱמוּנָה הִיא בְּלִי שׁוּם חָכְמוֹת וַחֲקִירוֹת כְּלָל", אָן קֵיין חֲקִירוֹת אוּן אָן קיין חָכְמוֹת, "רַק בִּפְשִׁיטוּת גָּמוּר כְּמוֹ שֶׁהַנָּשִׁים וְהַהֲמוֹן עַם הַכְּשֵׁרִים מַאֲמִינִים", נָאר אַזוֹי וִוי פְרוֹיעֶן אוּן פָּשׁוּטְ'עֶ מֶענְטְשְׁן גְלֵייבְּן.

דֶער אֵייגֶערְשְׁטֶער זָאל הֶעלְפְן זָאלְסְט הָאבְּן הַצְלָחָה אִין אַלֶע עִנְיָנִים.

אַ גְמַר חֲתִימָה טוֹבָה.

More in this printout

View the whole printout