הֶערְן דִי דְּרָשׁוֹת אוּן שְׁמוּעֶסְן, וֶועט מֶען זַיין אַן עֶרְלִיכֶער אִיד
- Sukkos
- 5787
- Yiddish
בְּעֶזְרַת ה' יִתְבָּרַךְ – עֶרֶב שַׁבָּת קוֹדֶשׁ פַּרְשַׁת הַאֲזִינוּ – שַׁבָּת תְּשׁוּבָה, ז' תִּשְׁרֵי, שְׁנַת תשפ"ז לִפְרָט קָטָן
הֶענִיךְ אִינְדִיג נֵרוֹ יָאִיר
אִיךְ הָאבּ עֶרְהַאלְטְן זַיין בְּרִיוו.
אִיךְ הָאבּ זֵייעֶר הַנָאָה גֶעהַאט דִיךְ צוּ זֶען אִין אוּמַאן בַּיים דֶרֶבִּינְ'ס רֹאשׁ הַשָּׁנָה אוּן הֶערְן פוּן דִיר וִוי דוּ שְׁטַארְקְסְט זִיךְ מִיט עוֹסֵק זַיין אִין 'הֲפָצָה', פַארְשְׁפְּרֵייטְן דֶעם דֶבִּינְ'ס זִיסֶע עֵצוֹת, חִיזוּק אוּן שֵׁכֶל פַאר דִי וֶועלְט.
לִיבֶּער בְּרוּדֶער נִישְׁטָא קֵיין גְרֶעסְערֶע זַאךְ בַּיים אֵייגֶערְשְׁטְן וִוי עוֹסֵק זַיין אִין צוּרִיקְבְּרֶענְגֶען מֶענְטְשְׁן צוּ אִים. דֶער הֵיילִיגֶער זוֹהַר זָאגְט (תְּרוּמָה קכח:): "תָּא חֲזֵי", קוּם אוּן זֶע, "כָּל מַאן דְאָחִיד בְּיָדָא דְחַיָּיבָא וְאִשְׁתָּדַּל בֵּיהּ, לְמִשְׁבַק אָרְחָא בִּישָׁא", אַ מֶענְטְשׁ וָואס בְּרֶענְגְט צוּרִיק זִינְדִיגֶע מֶענְטְשְׁן צוּם אֵייגֶערְשְׁטְן, "אִיהוּ אִסְתַּלָּק בִּתְלַת סִלּוּקִין, מַה דְּלָא אִסְתַּלָּק הָכִי בַּר נָשׁ אַחֲרָא", דֶער מֶענְטְשׁ אִיז זוֹכֶה אַרוֹיף צוּ גִיין אוֹיף אַ פְּלַאץ וָואס קֵיין שׁוּם מֶענְטְשׁ אִיז נִישְׁט זוֹכֶה, "גָּרִים לְאַכְפְּיָיא סִטְרָא אַחֲרָא, וְגָרִים דְאִסְתַּלַק קוּדְשָׁא בְּרִיךְ הוּא בִּיקָרֵיהּ, וְגָרִים לְקַיִּימָא כָּל עָלְמָא בְּקִיּוּמֵיהּ לְעֵילָא וְתַתָּא", דֶער מֶענְטְשׁ גֶעמְט אַוֶועק טוּמְאָה פוּן דִי וֶועלְט אוּן עֶר מַאכְט אַז דֶעם אֵייגֶערְשְׁטְנְ'ס נָאמֶען זָאל וֶוערְן גֶעהֵיילִיגְט אוֹיף דִי וֶועלְט, אוּן דֶער מֶענְטְשׁ אִיז גּוֹרֵם אַז אַלֶע וֶועלְטְן שְׁטֵייעֶן אוֹיף זַיין זְכוּת. "וְזָכֵי לְמֵחֲמֵי בְּנִין לִבְנוֹי", עֶר אִיז זוֹכֶה צוּ זֶען קִינְדֶער אוּן אֵיינִיקְלֶעךְ, "וְזָכִי בְּהַאי עָלְמָא, וְזָכֵי לְעָלְמָא דְאָתֵי", אוּן עֶר אִיז זוֹכֶה צוּ אַלֶע גוּטֶע זַאכְן אוֹיף דִי וֶועלְט אוּן אוֹיף יֶענֶע וֶועלְט, "כָּל מָארֵי דִּינִין, לָא יָכְלִין לְמֵידָן לֵיהּ, בְּהַאי עָלְמָא וּבְעָלְמָא דְּאָתֵי", קֵיינֶער קֶען אִים נִישְׁט שְׁלֶעכְטְס טוּן, נִישְׁט אוֹיף דִי וֶועלְט אוּן נִישְׁט אוֹיף יֶענֶע וֶועלְט, "עָאל בִּתְרֵיסַר תַּרְעִי, וְלִית מַאן דְיִמְחִי בִּידֵדִיהּ", עֶר גִייט אַרַיין אִין דְרַייצְן טוֹיעֶרְן פוּן שַׁעֲרֵי רַחֲמִים, אוּן קֵיינֶער קֶען אִים נִישְׁט צוּרִיק הַאלְטְן.
אִיךְ הָאבּ גֶערֶעדְט צוּ ... אִין אוּמַאן עֶר זָאל צוּרִיק אָנְהֵייבְּן מַאכְן חַבּוּרוֹת – נִישְׁט אִין שׁוּל - נָאר אִין שְׁטִיבֶּער, וַוייל דִי פְרִישֶׁע בָּחוּרִים אוּן אִינְגֶעלַייט הָאבְּן אִין אָנְהֵייבּ אַ פַּחַד זִיךְ אַרוֹיס צוּ שְׁטֶעלְן אַלְס בְּרֶסְלֶב, עֶס אִיז נִישְׁט בַּאקְוֶועם צוּ קוּמֶען אִין שׁוּל, מֶען דַארְף מַאכְן אִין שְׁטִיבֶּער, פְּרִיוַואט, אוּן אַזוֹי מְקַרֵב זַיין דִי יוּגְנְט. אַזוֹי וִוי דֶער רֶבִּי הָאט אוּנְז גֶעהֵייסְן, מִיר זָאלְן עוֹסֵק זַיין אִין מְקַרֵב זַיין מֶענְטְשְׁן צוּם אֵייגֶערְשְׁטְן. רֶבִּי נָתָן שְׁרַייבְּט (חַיֵּי מוֹהֲרַ"ן, סִימָן תקמג): "כַּמָּה פְּעָמִים הָיָה מְדַבֵּר הַרְבֵּה עִמָּנוּ, וְהִזְהִיר אוֹתָנוּ מְאֹד לְקָרֵב נְפָשׁוֹת לְהַשֵׁם יִתְבָּרַךְ, לְהִשְׁתַּדֵל לְדַבֵּר הַרְבֵּה עִם בְּנֵי אָדָם, כְּדֵי לְעוֹרְרָם וְלַהֲשִׁיבָם לְקָרְבָם לְהַשֵׁם יִתְבָּרַךְ", דֶער רֶבִּי הָאט זֵייעֶר אַסַאךְ מָאל גֶערֶערְט מִיט אוּנְז אוּן אוּנְז גֶעהֵייסְן מִיר זָאלְן עוֹסֵק זַיין אִין מְקַרֵב זַיין אִידִישֶׁע קִינְדֶער צוּם אֵייגֶערְשְׁטְן, "וְכַמָּה פְּעָמִים הָיָה מְבַזֶּה אוֹתָנוּ בְּבִזְיוֹנוֹת עַל שֶׁאָנוּ מִתְעַצְלִים בָּזֶה, וּפַעַם אַחַת קָרָא אוֹתָנוּ עֵצִים יְבֵשִׁים' עַל שֶׁאֵין אָנוּ מוֹלִידִים נְפָשׁוֹת שֶׁיִּתְקָרְבוּ לְהַשֵּׁם יִתְבָּרַךְ עַל יָדֵינוּ", אוּן זֵייעֶר אַסַאךְ מָאל הָאט דֶער רֶבִּי אוּנְז פַארְשֶׁעמְט אוּן אוּנְז אָנְגֶערוּפְן עֵצִים יְבֵשִׁים', טְרוּקֶענֶע בֵּיימֶער, וַוייל מִיר גֶעבּוֹירְן נִישְׁט קֵיין פְרִישֶׁע נְפָשׁוֹת צוּם אֵייגֶערְשְׁטְן.
אִיךְ וִויל בֶּעטְן אַלֶע חֲבֵרִים אִין בְּנֵי בְּרַק זִיךְ צוּרִיק אוֹיפְפְרִישְׁן אִין דִי זַאךְ פוּן הֲפָצָה, וַוייל דָאס אִיז דִי וִוילְן פוּן הֵיילִיגְן דֶבִּין, מִיר אַלֶע זָאלְן עוֹסֵק זַיין אִין מְקַרֵב זַיין מֶענְטְשְׁן צוּם אֵייגֶערְשְׁטְן, קוּק וָואס רֶבִּי נָתָן שְׁרַייבְּט וַוייטֶער (חַיֵּי מוֹהֲרַ״ן, שָׁם): "וּפַעַם אַחַת בְּלֵיל מוֹצָאֵי שַׁבָּת עָמַדְנוּ לְפָנָיו עִם כַּמָּה אֲנָשִׁים מֵהַחֲשׁוּבִים שֶׁלּוֹ, וְהוֹכִיחַ אוֹתָנוּ מְאד כַּמָּה שָׁעוֹת עַל עִנְיָן זֶה", אֵיינְמָאל מוֹצָאֵי שַׁבָּת הָאט דֶער דֶבִּי אוּנְז גֶעגֶעבְּן מוּסָר אַפָּאר שָׁעָה, הֲיִתָּכֵן מִיר זֶענֶען נִישְׁט גֶענוּג עוֹסֵק אִין הֲפָצָה.
בְּנוֹגֵעַ דִי דִירָה וְכוּ'; טוּ אַזוֹי וִוי מִיר הָאבְּן גֶערֶערְט, פַארְקוֹיף עֶס און