Skip to content
מיין יו"ט אוצר

מאוצרות רבוה"ק מבעלזא - שמיני עצרת

  • Sukkos
  • 5787
  • Yiddish
View printout

שמיני עצרת

שמיני דגל בפני עצמו

שמיני עצרת איז א באזונדערע יו"ט, ס'איז נישט קיין המשך פונעם יום טוב סוכות, דעריבער מאכט מען א שהחיינו, אנדערש ווי שביעי של פסח, וואס ס'איז א המשך צו די פריער'דיגע טעג און מ'מאכט נישט קיין שהחיינו ביי קידוש. ס'זענען דא וואס פיהרן זיך אז שמיני עצרת עסט מען אין די סוכה, אבער מ'מאכט נישט קיין ברכה ילישב בסוכה'. אין בעלזא האט מען נישט געגעסן שמיני עצרת אין די סוכה.

לענין פז"ר קש"ב

כ"ק מרן מהר"ש מבעלזא זי"ע האט געזאגט: וואס דער באדייט פונעם טאנצן שמחת תורה קען איך אייך נישט זאגן. אבער דאס קען איך זאגן, אז אלע תפילות וואס זענען נישט ארויפגעגאנגען אין הימל א גאנץ יאהר, קומען אהן אויבן, דורכ'ן טאנצן אין שמחת תורה. האט כ"ק מרן מהר"י מבעלזא זי"ע צוגעלייגט: די גמרא (יומא ג) זאגט: "שְׁמִינִי [עֲצֶרֶת] רֶגֶל בִּפְנֵי עַצְמוֹ הוּא לְעִנְיַן פַּזֵר קְשַׁב", שמיני עצרת איז א יום טוב פאר זיך פאר'ן ענין פון "פַּזֵר", די אלע פארשפרייטע תפילות פון א גאנץ יאהר, "קְשַׁב", הערט אויס דער באשעפער אין דעם טאג.

More in this printout

View the whole printout