Skip to content
מיין יו"ט אוצר

ווי א פרישע ניסל...

  • Sukkos
  • 5787
  • Yiddish
View printout

הגריידינגער רב הרה"ג רבי יצחק אייזיק ליעבעס ז"ל מח"ס שו"ת "בית אבי" פלעגט צו פארציילן: איין יאהר איז געפאלן מיטוואך הושענא רבא, שמיני עצרת דאנערשטאג און שמחת תורה ערב שב"ק, און באלד דערנאך שבת בראשית. איז געווען א חסיד וואס האט זיך געאיילט אהיים צופאהרן גלייך מוצאי שב"ק, ער האט אבער געוואוסט אז מוצש"ק ביז מ'וועט זיך קענען געזעגענען פון מרן מהרי"ד זי"ע וועט שוין זיין שפעט. האט ער געטראכט אז ער וועט זיך באהאלטן אין א ווינקעל אין שטוב און ווארטן ביז מרן זי"ע וועט צוריק קומען פון פיהרן דעם טיש און דעמאלט וועט ער פרובירן אריינצוגיין צו מרן זי"ע און זיך געזעגענען, אזוי וועט ער קענען מוצש"ק גלייך אהיים פאהרן. אבער צו זיין מזל האט אים דער גבאי באמערקט און אנגעהויבן צו שרייען אויף אים: "דו שעהמסט דיך נישט דער רב האט נישט קיין כח נאך אזא גרויסע עבודה שוין א פאר טאג אין א צו, און דו ווילסט אצינד אריין גיין?" מרן זי"ע האט אריינגעהערט אין זיין צימער די געשרייען פונעם גבאי'ן, און אים אריין גערופן און געפרעגט: "וואס האסטו געזאגט אז איך האב נישט קיין כח? ס'איז נישט ריכטיג. איך בין געזונט און איך האב כח, שוין דריי טעג האב איך נישט גענומען קיין קוויטל, און איך בין ב"ה ווי 'א פרישע ניסל'. נאר אז איך דארף נעמען קוויטלעך פון אידן און אויסהערן זייערע פראבלעמען שטעכט דאס מיך ווי א ביינדל אין גאנצן גוף".

More in this printout

View the whole printout